၉၄နှစ်မြောက်ဗိုလ်ချုပ်မွေးနေ့ အမှတ်တရ

လုပ်ကြံမခံရခင် ၆ရက်အလို ဇူလိုင် ၁၃ရက်နေ့က မြို့တော်ခန်းမမှာ
ဗိုလ်ချုပ်အောင်ဆန်းပြောသွားတဲ့ နောက်ဆုံးမိန့်ခွန်းထဲက
တချို့အပိုဒ်တွေကို ၉၄နှစ်မြောက်ဗိုလ်ချုပ်မွေးနေ့ အမှတ်တရအဖြစ်
ဖော်ပြလိုက်ပါတယ်။





"တိုင်းပြုပြည်ပြုလွှတ်တော် [ဖော်ဆောင်ရတာဟာ] အိမ်ဟောင်းကို တည်ရုံ
အလုပ်မဟုတ်ဘဲနဲ့ တခုလုံး ဖျက်ဆီးပြီးတဲ့နောက် အဲဒီပျက်သွားတဲ့ နေရာမှာ
ထပ်ပြီး အိမ်အသစ်ဆောက်တာနဲ့ တူပါတယ်။ ………





ကျွန်တော်တို့ဟာ တိုင်းပြည်ကို ပြောခဲ့တဲ့အတိုင်း လုံးဝလွတ်လပ်ရေးကို
ကျွန်တော်တို့ရအောင် လုပ်မယ်ဆိုတဲ့အတိုင်း အဲဒီလုံးဝလွတ်လပ်ရေးကို
ကျွန်တော်တို့ ဆုံးဖြတ်ခဲ့တယ်။ ဒီလုံးဝလွတ်လပ်ရေးကို
ဆုံးဖြတ်ပြီးတဲ့နောက် ကျွန်တော်တို့ ဒီတိုင်းပြည်ကို ကြေညာထားတဲ့အတိုင်း
တနှစ်အတွင်း လုံးဝလွတ်လပ်ရေးရအောင် လုပ်မယ်ဆိုတာလဲ
ကျွန်တော်တို့လုပ်နေလျက်ပါပဲ။……………





ဘယ်အစိုးရမှလဲ ချွတ်ယွင်းချက်မရှိတဲ့ အစိုးရမရှိဘူး။ သို့သော်လဲဘဲ
တိုင်းပြည်အပေါ်မှာ စေတနာရှင်းရှင်းထားပြီး တဆင့်ထက်တဆင့်
ကျွန်တော်တို့လုပ်လာတဲ့ လုပ်ငန်းဟာ တိုးတက်သလား မတိုးတက်ဘူးလား
ဆိုတာခင်ဗျားတို့ ပြန်ကြည့်ပါ။……..နောက်အတော်လေးကြာလာယင် ကျွန်တော်တို့ဟာ
တိုင်းပြည်ကို အတိအလင်း ကြေညာနိုင်တဲ့ စကားမျိုးလုပ်လာနိုင်ပါဦးမယ်။
အဲဒီလို လုပ်လာတဲ့အခါမှာ ကျွန်တော်တို့ဟာ လွတ်လပ်ရေးလုပ်ငန်းမယ်
ဘယ်ထိအောင် တစခန်း တက်လာပြီး ဘယ်ထိအောင် ပြန်လည်ထူထောင်ရေး လုပ်ငန်းမှာ
ဘယ်လို တစခန်း တက်လာပြန်ပြီ အစရှိသည်အားဖြင့် အဲဒီလို
အခွင့်အလမ်းတွေကိုလဲ ခင်ဗျားတို့ မြင်ရပါလိမ့်မယ်။ အဲဒီလို
တိုင်းပြည်ပြန်လည်ထူထောင်ရေးမယ် လုပ်တဲ့လုပ်ငန်းမှာလဲ
တဆင့်တက်လာတာကိုသော်၎င်း၊ အခုလွတ်လပ်ရေးလုပ်ငန်းနဲ့ပတ်သက်ပြီး
တဆင့်တက်လာတာကိုသော်၎င် အဲဒီလိုတက်လာတာကို ခင်ဗျားတို့ ရက်မကြာမီမှာ
မြင်ရပါလိမ့်မယ်။ အဲဒီလို မြင်ရရုံမကဘူး။ ကျွန်တော်တို့ ဒီအစိုးရနှင့်
အရင်ကရှိတဲ့ အစိုးရတွေနှင့် ယှဉ်ကြည့်လိုက်ယင် ကျုပ်ပြောရဲတယ်။ ယခု
အစိုးရထဲမှာ လာဘ်စားတဲ့လူတွေ မရှိပါဘူးဆိုတာ ကျုပ်ပြောရဲတယ်။



ကျုပ်တို့ဟာ ဒီတိုင်းပြည်မှာ အစိုးရဖြစ်အောင် အတင်းအဓမ္မလုပ်လာလို့
အစိုးရဖြစ်တာ မဟုတ်ဘူး။ တိုင်းပြည်လူထုရဲ့ ထောက်ခံမှုနဲ့
ကျုပ်တို့အစိုးရဖြစ်နေတာ တိုင်းပြည်ကမကြည်ညိုဘူးဆိုတာ
ကျုပ်တို့သိတဲ့တနေ့မှာ ကျုပ်တို့လဲ မနေဘူး။ တွယ်မနေပါဘူး။ ထွက်မှာပါဘဲ။
သို့သော်လဲဘဲ တနှစ်လောက် ကျုပ်တို့ကို စောင့်ကြည့်တဲ့အခါမှာ ကျုပ်တို့ဟာ
ဘယ်လိုလူစားတွေလဲ။ ရာဇ၀င်မှာ အရေးခံမဲ့ လူစားမျိုးတွေလား။ ရာဇ၀င်မှာ
အဆဲခံမဲ့ လူစားမျိုးတွေလားဆိုတာ ခင်ဗျားတို့ ကိုယ်တိုင်သိပါလိမ့်မယ်။……..



တိုင်းရင်းသားအချင်းချင်း ညီညွတ်ရေး၊ တိုင်းရင်းသားလူထု ညီညွတ်ရေး၊
စားဖားသမားတွေ ညီညွတ်တာ ကျွန်တော်မလိုချင်ပါဘူး။ တိုင်းရင်းသား
အချင်းချင်းညီညွတ်ရေး၊ တိုင်းသူပြည်သား လူထုညီညွတ်ရေး၊ အဲဒီညီညွတ်ရေး
နှစ်ခုမရှိသမျှ ကာလပတ်လုံး၊ ဒီတိုင်းပြည်ဟာ လွတ်လပ်ပင်လွတ်လပ်ငြားသော်လဲ
ဘယ်ပါတီတက်တက်၊ ဘယ်အစိုးရလုပ်လုပ်၊ ဖာသယ်တိုင်းပြည်ဖြစ်နေမှာဘဲလို့
ကျွန်တော်ပြောချင်တယ်။…..



ဗမာတွေ စိတ်ထဲမှာ ဗမာတွေဟာ စိတ်ဓာတ်ထက်တယ် ဘာညာနဲ့
တလွဲဆံပင်ကောင်းနေတယ်ဆိုတာနဲ့ အတူတူပါဘဲ။ ဒီစကားဟာ ဒီနေရာမှာသုံးဖို့
ဟာတွေပဲ။ ဗမာတွေစိတ်ဓာတ်က မဟုတ်တဲ့နေရာမှာ သွားပြီးကောင်းနေတယ်။
တကယ့်နေရာတွေကျတော့ အသုံးမကျဘူး။ ဗမာပြည် လွတ်လပ်ရေးရအောင် ဆိုတာမျိုးမှာ
အသုံးမချတတ်ဘူး။ ဗမာပြည်ပြန်လည်ထူထောင်ရေးလုပ်တဲ့ နေရာမျိုးမှာ
အသုံးမချတတ်ဘူး။ ဗမာဗမာချင်း ချဖို့မှာ လုပ်ချင်တယ်။….



ခင်ဗျားတို့ဟာ လွတ်လပ်ရေးကို လိုချင်ယင်၊ လွတ်လပ်ရေးရနိုင်လောက်တဲ့
စည်းကမ်းကို ရှိကြပါ။ လွတ်လပ်ရေးကို လိုချင်လို့ရှိယင် လွတ်လပ်ရေးကို
ရနိုင်တဲ့ ညီညွတ်မှုကို ထိန်းသိမ်းထားပါ။ လွတ်လပ်ရေးကို လိုချင်ယင်
လွတ်လပ်ရေးကို ရနိုင်တဲ့ ထူထောင်မှုကို လုပ်ကြပါ။ အဲဒီလို
လုပ်ပြီးတဲ့နောက် ရှေ့ကို လွတ်လပ်ရေးအရသာကို ခံစားစံစားချင်တယ်ဆိုယင်၊
အလုပ်လုပ်ကြဖို့၊ စည်းကမ်းရှိကြဖို့၊ ယခုကတည်းက ခင်ဗျားတို့ကိုယ်ကို
အကျင့်ဆိုးတွေ၊ အကျင့်ဟောင်းတွေ၊ စောက်ကျင့်တွေကိုပြင်ကြဖို့ လိုပြီဆိုတာ
ကျွန်တော် ကနေ့ပြောခဲ့ချင်တယ်။"

(စာပေဗိမာန်ထုတ် ပြည်သူ့လက်စွဲစာစဉ်ထုတ်
ဗိုလ်ချုပ်အောင်ဆန်းမိန့်ခွန်းများ ၁၉၄၅-၁၉၄၇ စာအုပ်မှ
မူရင်းသတ်ပုံအတိုင်း ကောက်နုတ်ဖော်ပြသည်။)



တိုင်းပြည်လွတ်လပ်ရေးအတွက် ဘယ်နည်းနဲ့ပဲရရ ရအောင်လုပ်မယ်လို့
ဆုံးဖြတ်ခဲ့၊ ရအောင်လည်းလုပ်ခဲ့တဲ့ ဗိုလ်ချုပ်အောင်ဆန်းဟာ သူနဲ့
သူ့အစိုးရဟာ ရာဇ၀င်မှာ အရေးခံရမယ့်လူစားလား။ အဆဲခံရမယ့်လူစား လားဆိုတာ
ကိုယ်တိုင်သိပါတယ်။ လာဘ်စားတဲ့လူတွေ ကျုပ်အစိုးရထဲမှာ မရှိဘူးလို့လဲ
ရဲရဲပြောခဲ့ပါတယ်။ ဗိုလ်ချုပ်ကျဆုံးပြီး ဘယ်အစိုးရမှ
အဲဒီလိုမပြောနိုင်ပါဘူး။



ဗိုလ်ချုပ်က ကိုယ့်အစိုးရကိုကိုယ်တာဝန်ယူတဲ့၊ တိုင်းသူပြည်သားတွေကို
ညီညွတ်ဖို့၊ တိုင်းပြည်ထူထောင်မှာ ကြိုးကြိုးစားစားဝိုင်းလုပ်ကြဖို့
စတဲ့မှာကြားချက်တွေပါတဲ့ သူ့ရဲ့နောက်ဆုံးမိန့်ခွန်းဟာ အခုဆိုရင်
၆၂နှစ်နီးပါး ကြာပါပြီ။ ဘယ်သူပြောသလဲ။ ဘယ်နှစ်ကပြောသလဲဆိုတာတွေကို
မကြည့်ဘဲ စာသားတွေပဲဖတ်မယ်ဆိုရင် တို့တတွေကိုပြောနေပါလားဆိုတာကို
စာဖတ်သူတို့ ခံစားမိမယ်ထင်ပါတယ်။



ဗိုလ်ချုပ်ကျဆုံးခဲ့တဲ့အချိန်ကစလို့၊ လွတ်လပ်ရေးရပြီးတဲ့ အချိန်ကစလို့
တိုင်းပြည်မှာ တိုးတက်မှုက ပထမ၁၀နှစ်လောက်မှာပဲ ထင်သာမြင်သာရှိခဲ့ပါတယ်။
ပြည်တွင်းစစ်မီးလျှံကြားမှာ၊ ဆင်းရဲမွဲတေမှု ဒဏ်ကြားမှာ၊
သဘာဝဘေးတွေကြားမှာ၊ အထူးသဖြင့် မတရားမှုနဲ့ ဖိနှိပ်မှုအောက်မှာ
တို့ဗမာပြည်ဟာ အခုထိရုန်းမထွက်နိုင်သေးပါဘူး။



စစ်ရေး၊ သံတမန်ရေး၊ ထောက်ပံ့ရေးနဲ့ ဒီမိုကရေစီရေးတွေနဲ့
နိုင်ငံတွေအချင်းချင်းကူညီကြ၊ ကြားဝင်ပြီးဖြေရှင်းပေးကြ လုပ်လေ့ရှိရာမှာ
ဗမာပြည်အတွက် ၁၉၈၈ကစလို့ ဆယ်စုနှစ်၂ခုစွန်းလာတဲ့အထိ အပြောင်းအလဲ
တစုံတရာရအောင် ဘယ်နည်းကမှ ထိထိရောက်ရောက် လုပ်ဆောင်နိုင်တာမတွေ့ရပါဘူး။
၁၉၉၆ကလို၊ ၂၀၀၇ကလို တိုင်းပြည်ထဲမှာ တခုခုဖြစ်မှ တိုင်းသူပြည်သားတွေရဲ့
မျှော်လင့်ချက်တွေ ပြန်ပြီးနိုးထလာတဲ့ သဘောရှိပါတယ်။



အဲဒီလိုဖြစ်အောင် ဦးဆောင်ပြီးလုပ်ခဲ့ကြသူတွေလည်း ပင်ပန်းလှပါပြီ။
သူတို့တွေစတေးခံနေရတာ အချည်းနှီး မဟုတ်ပါလားဆိုတာ သူတို့သိအောင်
နောက်လူတွေက ဆက်လုပ်ပေးကြဖို့လိုနေပါပြီ။ ၁၉၉၀နှောင်းပိုင်း
နှစ်တွေကစပြီး အခုထိ ပြည်ပထွက်ပြီးအလုပ်လုပ်ကြ၊ စာသင်ကြတဲ့ဗမာလူငယ်တွေ
တကမ္ဘာလုံးမှာ သိန်းနဲ့ချီပြီးရှိနေပါပြီ။ ဗမာပြည်ရဲ့ ပညာရေး၊ ကျန်းမာရေး၊
နိုင်ငံရေးစတဲ့ ကဏ္ဍအသီးသီးမှာ ပြည်တွင်းကလူတွေနဲ့ပေါင်းပြီး
တယောက်ချင်းဖြစ်စေ၊ အဖွဲ့အစည်းနဲ့ဖြစ်စေ ပြုပြင်ပြောင်းလဲမှုတွေလုပ်ဖို့
စဉ်းစားပြီး လုပ်သင့်ကြပါပြီ။ နိုင်ငံရေးနဲ့ စနစ်ပြောင်းလဲရင်တော့
လုပ်ရတာပိုပြီး အရှိန်ရမှာ။ မြန်မှာမလွဲပါဘူး။



အဲဒီလို လုပ်နေတဲ့လူတွေ တစထက်တစများလာတာ တွေ့ရပါတယ်။ ဒါပေမယ့်
ကျန်လူတွေလဲ ဘယ်အချိန်လုပ်ရမလဲဆိုတာ စောင့်ပြီးချိန်နေတာထက်
လုပ်နိုင်တာကို လုပ်နိုင်သလောက် ပညာသားပါပါ၊ ညီညီညွတ်ညွတ်လုပ်ရင်း
ဗိုလ်ချုပ်ပြောတဲ့ တိုင်းပြည်ထူထောင်ရေးမှာ ခြေစုံပစ်မ၀င်နိုင်သေးတောင်
ခြေတလှမ်းချထားကြရင် မကောင်းဘူးလားဆိုတဲ့ ဗိုလ်ချုပ်မွေးနေ့အကြိုအတွေးကို
ဝေငှလိုက်ရပါကြောင်း။