ရင်ထဲကရွှေဝါရောင်

ရဟန်းသံဃာတို့ရဲ့ သမိုင်း

နက်ရှုိုင်းကျယ်ပြန့်
ခြေဆန့်ခဲ့တဲ့ခရီး
သွေးစည်းခြင်းတွေ အနန္တ
တော်လှန်ရေးတွေ ဗလပွနဲ့
ကယ်တင်ပြခဲ့တဲ့ အဖြစ်
ရင်ထဲမှာ “သစ်” နေဆဲပါ။

ကိုလိုနီခေတ်က
ဆရာတော် ဦးဥတ္တမ
ဆရာတော် ဦးဝိစာရတို့ရဲ့
နယ်ချဲ့ ဆန့်ကျင်စိတ်နဲ့
အင်္ဂလိပ်ကိုတော်လှန်ခဲ့တဲ့ သမိုင်း
နက်ရှုိုင်းလွန်းလှပါတယ်။

ဒီမိုကရေစီခေတ်မှာ
ရဟန်း၊ သံဃာတွေက
စစ်အစိုးရရဲ့ ဖိနှိပ်မှုကို
ဒီမိုကရေစီစိတ်နဲ့ တော်လှန်တာ
ကမ္ဘာက သိနေတယ်လေ။

ရွှေဝါရောင်တော်လှန်ရေးရဲ့ အစ
ပခုက္ကူကပါလို့
ဟစ်ကြွေး ကျူးရင့်
ခွန်းဆင့် ပါရစေ။

စစ်ကျွန်အဖြစ်
နွံနစ်တဲ့ ဘဝ
လူမှုဒုက္ခ အဝဝ
ချွတ်ခြုံကျ မွဲတော့
ဆင်းရဲတွင်း နက်သမျှဒဏ်
မြန်မာတွေ ခါးစည်းခံနေရပြီလေ။

နှစ်ထောင်ခွန် စက်တင်ဘာငါး
ပခုက္ကူသံဃာ အပါးငါးရာကျော်က
ဆင်းရဲမှုဒုက္ခ ကင်းဝေးရေးအတွက်
လုံးစုံများစွာ သတ္တဝါ
ချမ်းသာကိုယ်စိတ် မြဲပါစေ။
လူအချင်းချင်း၊ နှိပ်စက်ခြင်း
ကင်းရှင်းကြပါစေ။
လူအချင်းချင်း၊ သတ်ဖြတ်ခြင်း
ကင်းရှင်းကြပါစေ လို့
မေတ္တာပို့ လှည့်လည်ရာမှ
စစ်အစိုးရက
အတင်းအဓမ္မသတ်ပြလို့
ရဟန်းသံဃာတွေ ကျဆုံးရာမှ
စက်တင်ဘာ ရွှေဝါရောင်
တော်လှန်ရေး ဖြစ်ရခြင်းပါ။

စစ်အစိုးရရဲ့ ရိုင်းပျမှုကို
ဝန်ချတောင်းပန်
မတောင်းပန်ပါက
ပတ္တနိက္ကုဇ္ဇနကံ
ဆောင်ရွက်ရန်ဟု
ရဟန်းသံဃာများက
မေးမြန်းကြေညာခဲ့တယ်။

ပတ္တနိက္ကုဇ္ဇနကံဆိုတာ
ရဟန်းသံဃာများ၊ စော်ကားသူကို
ရဟန်းသံဃာများက
သာရေးကိစ္စ၊ နာရေးကိစ္စပါမကျန်
ဆက်ဆံမှုမပြု၊ ပြုဆဲအလှူကိုလဲ
လက်မခံတဲ့စိတ်နဲ့
သပိတ်မှောက်ခြင်းကို၊ ဆိုထားခြင်းပါ။

စစ်အစိုးရက
ဝန်ချမတောင်းပန်ဘဲ
သူ့ရန်လို့မြင်၊ စစ်ဆင်ရေးနဲ့တိုက်
မိုက်လှချည့်လား၊ ရမ်းလှချည်လား။

ပစ်လော့.... စစ်သား
အို... စစ်သားတို့
တို့ရွာတို့မြေ၊ တို့ရွာမြေမှာ
ရဟန်းသံဃာ၊ မေတ္တာပို့ကာ
ပွားများပါ၏။ ပွားပါလေလဲ
ပစ်ခတ်ဆဲမို့၊ သွေးရဲသင်္ကန်း
ဆင်မြန်းရင်းလာ၊
ပေတရာလမ်းမှာ
ရွှေဝါရောင်သွေးတွေ
ဒလဟော စီးဆင်းနေပြီလေ။

ပစ်လော့.... စစ်သား
အို... စစ်သားတို့
တို့ရွာတို့မြေ၊ တို့ရွာမြေမှာ
ရဟန်းသံဃာ၊ ကျင့်သိက္ခာနဲ့
နေပါသော်လည်း
ပစ်ခတ်ဆဲမို့၊ ဆင်းရဲကသာ
ကာလကြာလျှင်၊ သံဃာအများ
ကျောင်းကြိုကျောင်းကြား
ဘုရားကြို ဘုရားကြား
လှည့်လည်သွားဆဲ
ဆွမ်းလဲမဘုန်း၊ ပုန်း၍နေရ
သံဃာ့ဘဝ
ဆွမ်းမျှမခံနိုင်။

အို.... စစ်သား
လူသတ်သမားတို့
ဒီဘာသာ ဒီသာသနာ
ဘယ်သူ့ဘာသာ သာသနာလဲ
ဒီသံဃာ ဒီရဟန်း
ဘယ်သူ့သံဃာ ရဟန်းလဲလို့
မေးမြန်းပါရစေ။
သတ်ရမဲ့သူက
ရဟန်းသံဃာတွေလား။

ရဟန်းသံဃာတွေ သတ်ပြ
ဗုဒ္ဓကို စော်ကားပြ
စစ်အစိုးရ ငရဲလားမှာ
သေချာတယ်ဟေ့။

ထလော့.... မြန်မာ၊ အို... မြန်မာတို့
တို့ရွာတို့ပြည်၊ ဒီမိုကရေစီရအောင်
စွမ်းဆောင်ကြလေ၊ ဆောင်ကြလေလော့။

ထာဝရအမှန်ကို၊ ခံယူချက်နဲ့ ယုံကြည်
တို့တိုင်းပြည်ကို၊ ဒီမိုကရေစီနဲ့ပုံဖော်ဖို့
သံဃာတော်တွေတိုက်ပွဲ ပျော်နေပြီလေ။

ပြည်သူတွေရဲ့ ဒုက္ခခံစားမှုကို
ကိုယ်စားပြုဦးဆောင်တဲ့
သံဃာတော်များရဲ့ အလင်းရောင်ဟာ
အမှောင်ဟူသမျှဖြိုခွင်း
လွတ်လပ်ခြင်း ဒီမိုကရေစီ
မြန်မာတစ်ပြည်လုံး ရပါစေ။

ရေးသားသူ။ ။ ပန်းသုခ ၁၈.၉.၀၉

(ရွှေဝါရောင်တော်လှန်ရေး (၂) နှစ်ပြည့် အထိန်းအမှတ်)