သောကြာနေ့၊ ဇွန်လ 05 2009 12:58 - မြန်မာစံတော်ချိန်
ချင်းမိုင် (မဇ္ဈိမ)။ ။ မုံရွာမြို ဗောဓိတထောင်ဘုရားတွင် ဓာတ်လှေကားပြုတ်ကျမှု ဖြစ်ပွားရာ နိုင်ငံကျော် ဆရာတော်များ ဖြစ်သော အရှင်ဆန္ဒာဓိကနှင့် အရှင် ရဝေနွယ် (အင်းမ) အပါအဝင် စုစုပေါင်း ရဟန်းနှင့် လူ ၈ ဦး ဒဏ်ရာရသွားခဲ့သည်။
စစ်ကိုင်းတိုင်း မုံရွာရှိ ဗောဓိတထောင်ဘုရားမှ ဓာတ်လှေကားတခုသည် ယမန်နေ့ညနေ ၆ နာရီခန့်တွင် ပေ ၂၀ ကျော်အမြင့်မှ ပြုတ်ကျမှုဖြစ်ပွားရာ ဓမ္မကထိက အကျော်အမော်များဖြစ်သော ရွှေပါမီတောရ ဆရာတော် အရှင် ဆန္ဒာဓိက၊ အရှင် ရဝေနွယ် (အင်းမ)၊ ဗောဓိတထောင်ကျောင်းတိုက်မှ ရဟန်းတပါးနှင့် ဘုရားဖူး ၅ ဦး ထိခိုက်ဒဏ်ရာရသွားခဲ့၍ မန္တလေးဆေးရုံတွင် ကုသမှု ခံယူနေကြရသည်။
“လုပ်ငန်းသုံး ဓါတ်လှေကားလေ။ ပစ္စည်း အတင်အချလုပ်ဖို့ အဓိကထား လုပ်ထားတာဆိုတော့ လူတိုင်းကို ပေးမတက်ပါဘူး။ မော်တာနဲ့ ဆွဲတာ မသုံးတာကြာလို့ဖြစ်တာ။ အခုဟာ ဦးခေါင်းတော်အထိ တက်ကြည့်ကြမယ်ဆိုပြီး တက်သွားကြတာ။” ဟု ဗောဓိတထောင် ကျောင်းတိုက်မှ ဦးဇင်းတပါးက မဇ္ဈိမ သို့ ပြောကြားသည်။
0 Comments:
Post a Comment