ဒီမိုကရေစီကို ကာကွယ်ကြ ( အပိုင်း - ၂ )။

ဒီမိုကရေစီဆိုတာဘာလဲ။

ဒီအချက်ကို ကျွန်တော်ရှင်းပြချင်ပါတယ်။ ဒီမိုကရေစီရဲ့သဘောဟာ အခြေခံအားဖြင့် သဘောတရားနှစ်ခုမှ ဆင်းသက်လာတာကိုတွေ့ ရတယ်။

(၁) ပထမသဘောတရားကတော့ လူဆိုတာ မွေးလာကတည်းက လွတ်လပ်တဲ့သတ္တ၀ါဖြစ်လေတော့၊ လူ့ လွတ်လပ်ရေးဟာ လူသားတို့ ရဲ့  အဖိုးမဖြတ်နိုင်တဲ့ ပစ္စည်းတရပ်ဖြစ်တယ်ဆိုတဲ့ သဘောတရားပဲ။ ဒီသဘောတရားအရ လွတ်လပ်တဲ့ အခွင့်အရေးကို လူတိုင်းလူတိုင်း ကာကွယ်ရမယ်။ လိုအပ်လျှင် အသက်ပေးပြီး ကာကွယ်အပ်တဲ့ အခွင့်အရေး ဖြစ်တယ်။ လွတ်လွတ်လပ်လပ် မနေရတဲ့ လူ့ဘ၀၊ နဖားကြိုး အတပ်ခံရတဲ့လူ့ ဘ၀ဆိုတာမျိုးဟာ စိတ်ကူးထဲတောင် မထည့်အပ်တဲ့ လူ့ ဘ၀မျိုး ဖြစ်တယ်။ လူဆိုတာဟာ လွတ်လွတ်လပ်လပ် ပြုမူကျင့်ကြံခွင့် ရရှိနိုင်မှ လူနဲ့ တူတယ်။ လူ့သိက္ခာဂုဏ်အင်္ဂါနဲ့ ပြည့်စုံတယ်။

ဒါပေမယ့် လွတ်လပ်ရေးဆိုတဲ့အဓိပ္ပါယ်ကို အကောက်မမှားစေရဘူး။ လွတ်လပ်တယ်ဆိုတာဟာ အရမ်းကာရော ကိုယ်ထင်ရာ ကိုယ်စိုင်းတယ်ဆိုတာနဲ့ နဲနဲမှ မတူဘူး။ ဒီအချက်ကို သတိမြဲမြဲထားရမယ်။ လူဟာ လူ့ အသိုက်အ၀န်းနဲ့ နေထိုင်နေသမျှ ကာလပတ်လုံး၊ လူ့ အသိုက်အ၀န်းမှာ ပါဝင်နေတဲ့ လူတိုင်းလူတိုင်းရဲ့ အခွင့်အရေးနဲ့ လွတ်လပ်မှုကို မထိခိုက်စေရဘူး။ ဒီတော့ လူ့ လွတ်လပ်ရေးဆိုတာဟာ လူတိုင်းလူတိုင်းရဲ့ အခွင့်အရေးနဲ့လွတ်လပ်မှုကို မထိခိုက်စေရဘဲ ပြုမူကျင့်ကြံနိုင်ခွင့်ရှိရမယ်ဆိုတဲ့ သဘောသာဖြစ်တယ်။ ဒီအချက်ကို မြဲမြဲကြီး သတ်ိထားဘို့ ရှိတယ်။

(၂) ဒုတိယသဘောတရားကတော့ ပထမသဘောတရားက စီးဆင်းလာတဲ့ သဘောတရား ဖြစ်တယ်။ ဒါကတော့ တခြားမဟုတ်ဘူး။

လူ့ လွတ်လပ်ရးဟာ လူသားတို့ရဲ့ပစ္စည်းတရပ်ဖြစ်ရင် ဒီလွတ်လပ်ရေးကို ထိန်းသိမ်းထားရမယ်။ အသုံးချရမယ်ဆိုတဲ့ သဘောတရားဘဲ ဖြစ်တယ်။ ဘယ်လိုထိန်းသိမ်းရမလဲ၊ ဘယ်လိုအသုံးချရမလဲ။ လူ့ လောကကို မျှတအောင် တရားသဖြင့် ဖြစ်စေအောင် လုပ်ပေးတတ်တဲ့ ဥပဒေမျိုးကို ပြုတဲ့ ကိစ္စမှာ လူတိုင်းလူတိုင်းဟာ တနည်းနည်းနဲ့  ပါဝင်ခွင့်ရှိစေရမယ်။ ဥပဒေအရ တိုင်းပြည်ကိုဖြစ်စေ မြို့ရွာကိုဖြစ်စေ အုပ်ချုပ်စီမံခန့် ခွဲတဲ့ ကိစ္စမှာ လူတိုင်းလူတိုင်းဟာ တနည်းနည်းနဲ့  ပါဝင်ခွင့် ရှိစေရမယ်။ အဲဒီနည်းမျိုးနဲ့ လွတ်လပ်ခွင့်ကို ထိန်းသိမ်းထားရမယ်၊ အသုံးချရမယ်။

ဒီတော့ လွတ်လပ်ရးဟာ လူသားတို့ ရဲ့ ပစ္စည်းတရပ်ဖြစ်တယ်ဆိုတဲ့အချက်၊ ဒီပစ္စည်းကို ထိန်းသိမ်းထားရမယ်။ အသုံးချရမယ်ဆိုတဲ့အချက် ဒီနှစ်ချက်ဟာ ဒီမိုကရေစီရဲ့ အုတ်မြစ်ဖြစ်တယ်လို့ ဆိုရလိမ့်မယ်။၊ ကောင်းပြီ ပထမအချက်ကို ဆင်ခြင်ကြည့်ရင် ဘာတွေ့ ရမလဲ။ လူ့ လောကမှာ အချုပ်အချယ် မရှိစေရဘူး။ နဖားကြိုး တပ်ထားခြင်း မရှိစေရဘူး။ လူတိုင်းလူတိုင်းဟာ လွတ်လပ်ရမယ်ဆိုတာ ဒီမိုကရေစီဝါဒမှာ တွေ့ ရလိမ့်မယ်။ ဒါပေမယ့် လွတ်လပ်ရေးရှိရမယ်ဆိုတိုင်း အရမ်းကာရော ကိုယ်ထင်ရာကိုယ်စိုင်းခွင့်ရှိတယ်လို့  မယူဆရဘူး။ လူတိုင်း လူတိုင်းရဲ့ လွတ်လပ်မှုကို မထိခိုက်စေတဲ့ လွတ်လပ်ရေးမျိုးသာ ဖြစ်ရမယ်။ ဒီမိုကရေစီဆိုတာ ဒီလိုလွတ်လပ်ရေးမျိုးဘဲ။

ဒီတော့ အယူအဆအားဖြင့်လည်းကောင်း၊ စိတ်သဘောထားအားဖြင့်လည်းကောင်း မတူကြပေမယ့်၊ ဒီလိုမတူကြတဲ့လူတွေဟာ ဘာပဲလုပ်လုပ် အတူတူတွဲပြီး အလုပ်လုပ်ကြမှဖြစ်မယ်ဆိုတဲ့ သဘောဟာ အကျုံးဝင်နေတယ်။ ဘယ်သူ့အပေါ်မျာမှ ဗိုလ်မကျရဘူး။ ဘယ်သူ့အပေါ်မှာမှ ငါ့အကြိုက်လိုက်ပြီး ငါတကော မကောရဘူး။ ဒီမိုကရေစီကို မြတ်နိုးတဲ့လူတိုင်းဟာ ဘာပဲလုပ်လုပ် အချင်းချင်း ဆွေးနွေးတိုင်ပင်မှုရှိရမယ်။ သူ့ အကြိုက် သူ့ အလို ကိုယ့်အလို ညှိနှိုင်းပြီး မျှမျှတတ ဆောင်ရွက်ခြင်း ရှိရမယ်။ ဒါတွေဟာ ဒီမိုကရေစီရဲ့ သဘောတရပ်ဘဲ။

ဒုတိယအချက်ကို ဆင်ခြင်ကြည့်ရင် ဘာတွေ့ ရမလဲ။ ဒီမိုကရေစီလောကမှာ ကျကျနန ဖွဲ့ စည်းထားတဲ့ ဥပဒေရှိရမယ်။ ဒီဥပဒေဟာ မိရိုးဖလာ ထုံးတမ်းစဉ်လာအရ လက်ခံလာခဲ့တဲ့ ဥပဒေမျိုးပဲဖြစ်ဖြစ် ဥပဒေကတော့ မရှိလို့  မဖြစ်ဘူး။ ရှိရမှာဘဲ။ ဘာဖြစ်လို့လဲဆိုတော့ ဒီမိုကရေစီလောက ဆိုတာ ဒီဥပဒေတွေအပေါ်မှာ ခိုင်ခိုင်မာမာကြီး တည်ဆောက်ထားတဲ့ လောကမျိုး ဖြစ်လို့ ဘဲ။ ဒီလောကမျိုးမှာ တဦးတယောက်ရဲ့ ထင်ရာသဘောအတိုင်း ဘယ်တော့မှ မဖြစ်စေရဘူး။ ဥပဒေရဲ့သဘောအတိုင်းသာ ဖြစ်စေရမယ်။ ဒါဟာလည်း ဒီမိုကရေစီရဲ့  သဘောတရပ်ဘဲ။ ဒီမိုကရေစီနဲ့  ပတ်သက်ပြီး ဒီအချက်နှစ်ချက်ရဲ့  သဘောကိုပေါက်ကြရင် ဒီမိုကရေစီရဲ့ အဓိပ္ပါယ်ဟာ အတန်အသင့်ရှင်းပြီလို့ ယူဆပါတယ်။

ဒီမိုကရေစီဆိုတာ လူ့ လွတ်လပ်ရေးကို မြတ်နိုးလက်ခံတဲ့သဘောတရား ဖြစ်တယ်။ နောက်ပြီးတော့ လူ့ လွတ်လပ်ရေးအတွက် ဥပဒေပြုတဲ့ကိစ္စမှာရော၊ ဥပဒေအရ တိုင်းပြည်မြို့ ရွာ အုပ်ချုပ်စီမံခန့် ခွဲတဲ့ ကိစ္စမှာရော လူတိုင်းလူတိုင်း တနည်းနည်းနဲ့  ပါဝင်ခွင့်ရှိတယ်ဆိုတဲ့ သဘောတရား ဖြစ်တယ်။

ဒီသဘောတရားတွေဟာ ဘယ်တုန်းက ပေါ်ပေါက်လာခဲ့သလဲ။ ဒီသဘောတရားတွေအရ လွတ်လပ်စွာ ပြုမူကျင့်ကြံလိုတဲ့ ဒီမိုကရေစီ အခွင့်အရေးတွေဟာ ဘယ်လို တိုးတက်လာကြသလဲ။ လူတွေဟာ ဒီမိုကရေစီအခွင့်အရေးတွေ ရဖို့ အတွက် ဘယ်လိုဒုက္ခခံပြီး ကြိုးပမ်းခဲ့ကြရသလဲ ဆိုတာတွေကို ကျွန်တော်ဆက်ပြီး ပြောချင်ပါတယ်။

(ဆက်လက်၍ တင်ပြပါဦးမည်)။

(၁၉၅၉ ခုနှစ်က ရေးသားထုတ်ဝေခဲ့တဲ့ မြန်မာနိုင်ငံ ၀န်ကြီးချုပ်ဟောင်း ဦးနုရဲ့  “ဒီမိုကရေစီ ကာကွယ်ကြ” စာအုပ်အား ပြန်လည်ဖေါ်ပြခြင်း ဖြစ်ပါတယ်)။

ဒီစာအုပ်အား စာရိုက်၍ ပြန်လည်ဖေါ်ပြပေးသော ရွှေဆည်းဆာအား အထူးကျေးဇူးတင်ရှိကြောင်း မှတ်တမ်းတင်အပ်ပါတယ်)။

http://www.niknayman-niknayman.co.cc/