August 27, 2009
မြန်မာပြည်အရပ်ရပ်က ပေးပို့လာတဲ့ တိုင်းရင်းသားပြည်သူတွေရဲ့ ရင်ဖွင့်သံတွေကို ကျနော်များ ၀ိမုတ္တိ ဘလော့က လှိုက်လှဲစွာကြိုဆိုပါတယ်ခင်ဗျား။ လူထုရဲ့ခံစားချက်တွေ တနယ်ကစ တပြည်လုံး ပျံ့နှံ့စေပြီး ဒီမိုကရေစီ တံခါးကို ဆွဲဖွင့်ကြပါစို့
ကြားဖူးကြလား မီတာတယူနစ် ကျပ် ၄၀၀
ပွင့်ပွင့်လင်းလင်း ပြောရရင် ရခိုင်ပြည်သူတွေ မတိုးတက် စေချင်ရင် လျှပ်စစ်မီး မပေးဘဲ နေရုံပါပဲ။ လူတိုင်းသိပါတယ်။ အဓိက လိုအပ်တာ လျှပ်စစ်မီး။ ဒါကြတော့ မပေးပါဘူးခင်ဗျား။ ပေါ်တင်ပဲ။
ရခိုင်မှာ လျှပ်စစ်မီးထုတ်လို့ရတဲ့ အရင်းအမြစ်တွေ ဒုနဲ့ဒေး စေတနာရှိလို့ အမှန်လုပ်ပေးရင် ပိုတောင် နေအုံးမယ်။ ရခိုင်က ထွက်တဲ့ သဘာဝ ဓါတ်ငွေ့ကျတော့ နင်းကန်ထုတ်၊ ဟိုမြေတူး ဒီမြေတူးနဲ့ ရေနံတွေကို တရုတ်လာတူး၊ ကုလားလာတူးနဲ့၊ ရမယ်ဆိုရင် - ရခိုင်ကို ခွဲပြီး သူများကို ရောင်းပစ် ကြမလားမသိ။ ပြောလို့တော့မရ နောက်ဆို ကချင်ပြည်နယ်ကို ကြမ်းခင်းဈေး ဘယ်လောက်နဲ့ လေလံတင်ပါ့မယ်။ ရခိုင်ပြည်နယ်ကို ကြမ်းခင်းဈေး ဘယ်လောက်နဲ့ လေလံတင်ပါ့မယ်တွေ ဘာတွေ ဖြစ်ချင်ဖြစ် လာနိုင်တယ်။ လေလံဆွဲမယ့် ကောင်တွေကတော့ တရုတ်တွေ ကုလားတွေပေါ့ဗျာနော်။
အဲတော့ အခု ရခိုင်ပြည်နယ်ရဲ့ မြို့တော် စစ်တွေမြို့မှာ တနေ့ကို လေးနာရီ မီးရပါတယ်
ခင်ဗျာ။ ညနေ ၇ နာရီ ကနေ ၁၁ နာရီ ထိပါ။ တစ်ယူနစ်ကို ၃၀၀ ကျပ်ပါ။ နောက်-နေ့ခင်းလည်း မီးပေးပါမယ်တဲ့။
မြို့ထဲရပ်ကွက်တွေကို အစည်းအဝေးတွေ ဘာတွေ လုပ်ပါတယ်၊ ပျော်တာပေါ့ခင်ဗျာ။ နေ့ခင်းလည်း မီးလာမယ် ဆိုတော့။ ဒါပေမဲ့ခင်ဗျာ တစ်ယူနစ်ကို ၄၀၀ ကျပ်ပါတဲ့ ခင်ဗျား။ ၃၀၀ ကျပ်တောင် တနေ့ ၄နာရီနဲ့ သောင်းကျော် သိန်းကျော် ပေးနေရတာ တစ်ယူနစ် ၄၀၀ ကျပ်နဲ့ ဆိုတော့ စဉ်းစားသာ ကြည်ပါတော့ အရပ်ကတို့ရယ်။ အဲ..လျှပ်စစ်မီးပေးမယ့် ကုမ္ပဏီကတော့ သိတဲ့ အတိုင်း ဆွေတော် မျိုးတော်တွေပေါ့ ခင်ဗျား..
အသားလည်းယူအသွေးလည်း ယူ အရိုးတောင် ချမ်းသာပေးမယ့် လူတွေ မဟုတ်ပါဘူး။ ရခိုင်ပြည်သူတွေ ကတော့ ဆင်းရဲတွင်း နက်သထက် နက်လို့၊ ထုသား ပေသား ရနေပါပြီခင်ဗျား။ ဆင်းရဲတွင်း နက်တာမှ အ၀ီစိတောင် ကျော်သွားပြီခင်ဗျား။ ဘာဖြစ်လဲနော် စားဖို့ ဆန်မရှိရင် မုန့်တီ စားကြမှာပေါ့ ဟုတ်ဖူးလား။ အော်… နအဖ လုပ်ပေါက်တွေပြောပါတယ်။
အနှိပ်ခန်း၊ ဇ်ိမ်ခန်းတွေက ဖောက်သယ်ကြီးတွေ
August 27, 2009
မြန်မာပြည်အရပ်ရပ်က ပေးပို့လာတဲ့ တိုင်းရင်းသားပြည်သူတွေရဲ့ ရင်ဖွင့်သံတွေကို ကျနော်များ ၀ိမုတ္တိ ဘလော့က လှိုက်လှဲစွာကြိုဆိုပါတယ်ခင်ဗျား။ လူထုရဲ့ခံစားချက်တွေ တနယ်ကစ တပြည်လုံး ပျံ့နှံ့စေပြီး ဒီမိုကရေစီ တံခါးကို ဆွဲဖွင့်ကြပါစို့
အနှိပ်ခန်း၊ ဇ်ိမ်ခန်းတွေက ဖောက်သယ်ကြီးတွေ
စစ်တွေမြို့မှာ ၀င်ငွေ အကောင်ဆုံး အလုပ်တွေကတော့ အနှိပ်ခန်းနဲ့ ကာရာအိုကေ (KTV) တွေပဲ ဖြစ်ပါတယ်။ နအဖ စစ်ဗိုလ်ကြီး တွေ ကားကြီး၊ ကားငယ်၊ ကားလတ် အသွယ်သွယ်နဲ့ အသားကုန် အားပေး ကြပါတယ် ခင်ဗျာ။
တကယ်ပါ မိုးလင်းပေါက်ကို အားပေးကြပါတယ်။ အရင်က အနှိပ်ခန်းတွေ ကတော့ မြို့ပြင်မှာ ဖွင့်လှစ်ထားပြီး ရန်ကုန်က မိန်း ခလေးတွေကို ခေါ်ယူ အသုံးပြုပါတယ်။ အခုတော့ မြို့ထဲမှာပါ အတင့်ရဲစွာ ဖွင့်လာကြပါတယ်။
တရားသီးစု ရပ်ကွက်ရှိ အနှိပ်ခန်းနဲ့ ကာရာအိုကေ တွဲဖွင့်ထားတဲ့ နေရာမှာဆို စစ်ကားနဲ့ အုပ်ချုပ်းရေး ဖက်က ကားတွေချည်းပဲ၊ ရပ်ထားပါတယ်။ စစ်ဗိုလ်ကြီးတွေက အထဲမှာ ကောင်မလေးတွေနဲ့ မိုးလင်းပေါက် နှစ်ပါးသွား နေချိန်မှာ သာမန် တပ်သားလေးတွေ ကတော့ သူတို့ရဲ့ ကားတွေကို မိုးအလင်း စောင့်ရပါတယ်။ ကားပေါ်မှာပဲ အိပ်နေရပါတယ်။ လူသား စားတတ်တဲ့ နအဖ ဗိုလ် အပေါင်းတို့ရဲ့ လုပ်ပေါက်ကတော့ ပါးစပ်ထဲ လက်ထိုးအန်ပစ်ဖို့ပဲ ကောင်းပါတော့တယ်။
ဒါနဲ့များစည်းကမ်းပြည့်ဝတဲ့ ဒီမိုကရေစီ နိုင်ငံတော်မှာ တပ်မတော်က ဦးဆောင်အုံးမှာတဲ့ အရပ်ကတို့ရယ်။
ကလေး ကလား ရထားလမ်း
August 27, 2009
မြန်မာပြည်အရပ်ရပ်က ပေးပို့လာတဲ့ တိုင်းရင်းသားပြည်သူတွေရဲ့ ရင်ဖွင့်သံတွေကို ကျနော်များ ၀ိမုတ္တိ ဘလော့က လှိုက်လှဲစွာကြိုဆိုပါတယ်ခင်ဗျား။ လူထုရဲ့ခံစားချက်တွေ တနယ်ကစ တပြည်လုံး ပျံ့နှံ့စေပြီး ဒီမိုကရေစီ တံခါးကို ဆွဲဖွင့်ကြပါစို့
ကလေး ကလား ရထားလမ်း
တိုင်းရင်းသားလူမျိုးတွေ တပြေးညီဖွံ့ဖြိုးတိုးတက်ရေး လို့ အသံအကျယ်ကြီး အော်ကာ မဲဆွယ်နေတဲ့ နအဖ တွေဟာ ရခိုင် ပြည်နယ်၊ စစ်တွေမြို့မှာ မြို့ပတ်မီးရထားလမ်းကို ၂၀၁၀ မတိုင်မီ ၄လနဲ့အပြီး ဖောက်လုပ်ပေးခဲ့ပါတယ်။
ဒါပေမဲ့ ပြည်နယ်များရဲ့ အမှန်တကယ် လိုအပ်ချက်တွေ ကိုတော့ လစ်လျှူရှုထား ပါတယ်။ အမှန်တော့ စစ်တွေမြို့ အတိုင်းအတာ နဲ့ မြို့ပတ် ရထားဟာ မလိုအပ်ဘဲ အပိုတခုသာ ဖြစ်ပါတယ်၊ ဘယ်သူမှလည်း မစီးကြပါ။
နည်းပညာတက္ကသိုလ်က ကျောင်းသားတွေ အဆင်ပြေဖို့ ဖောက်ပေးပါတယ် ဆိုပေမဲ့လည်း ရထားလမ်းက မြေသား မကျစ်လစ် လို့ တိမ်းမှောက်မလို ဖြစ်ခဲ့တာကြောင့် ဘယ်သူမှ မစီးဝံ့ ကြတော့ပါ။
ပြေးဆွဲမှု အစီအစဉ်
စေတနာမပါဘဲ အလွယ်တကူ ပြီးစလွယ် လုပ်ထားတာကြောင့် ရထားလမ်း ဖောက်လုပ် ပြထားရင် ပြီးရော ဘယ်သူ ရထားမှောက် သေသေ အရေးမကြီးဘူး ဆိုတဲ့ ပုံစံပါပဲ။
ကလေးတွေနဲ့ အနီးတ၀ိုက်က ကုလားလူမျိုးတွေသာ အစီးများပါတယ်။ ဒီအကြောင်းကို ရထားလမ်း ဖောက်လုပ်ရေး တာဝန်ခံ နအဖ စစ်ဗိုလ် တယောက်ကို ထင်မြင်ချက် ပေးခိုင်းတော့ “ကလေးတွေနဲ့ ကုလားတွေပဲ စီးရင် ကလေးကလား ရထားပေါ့ကွာ" လို့ ရယ်ကျဲကျဲနဲ့ ပြန်ဖြေသွားပါတယ်။
စစ်တွေရန်ကုန်ပြေးဆွဲနေတဲ့ ကားသမား တစ်ယောက်ကတော့ “ရထားလမ်းမှာ ကုန်ကျမယ့် ဟာကို ရန်ကုန်-စစ်တွေ ကားလမ်းကို နိုင်လွန်ကတ္တရာ ဖြူးပြီး ခင်းလိုက်ပါလား၊ အဲလို ဆိုရင်တောင် အဆင်ပြေအုံးမယ်။ အခုက မြို့ထဲ ဖောက်ထားတဲ့ ရထား လမ်းတောင် စိတ်မချရတာ ရန်ကုန် စီးသွားမယ်ဆိုရင် သေဖို့ပဲရှိတယ်” လို့ ပြောကြား သွားပါတယ်။ ရထား လမ်းဖောက်လုပ်ရေး ဆိုတာလည်း စစ်တပ်နဲ့ နီးစပ်တဲ့ အသိုင်းအ၀ိုင်းက ကန်ထရိုက်ဆွဲ ဖောက်လုပ်တာဖြစ်ပြီး၊ သူတို့ အမျိုးတွေပဲ သူဌေးဖြစ်မယ့် အစီအစဉ် တခုသာ ဖြစ်ပါတယ်။ ရှိနေတဲ့ ကားလမ်းကို ကောင်းအောင် မလုပ်ဘဲ၊ အပိုတွေ လျှောက်လုပ်နေတဲ့ နအဖရဲ့ လုပ်ပေါက်ကတော့ လွဲပြီးရင်း လွဲရင်းပါပဲ။
နအဖ ၏ ရခိုင်ပြည် စည်းရုံးရေး တလွဲဖြစ်
August, 27, 2009
မြန်မာပြည်အရပ်ရပ်က ပေးပို့လာတဲ့ တိုင်းရင်းသားပြည်သူတွေရဲ့ ရင်ဖွင့်သံတွေကို ကျနော်များ ၀ိမုတ္တိ ဘလော့က လှိုက်လှဲစွာကြိုဆိုပါတယ်ခင်ဗျား။ လူထုရဲ့ခံစားချက်တွေ တနယ်ကစ တပြည်လုံး ပျံ့နှံ့စေပြီး ဒီမိုကရေစီ တံခါးကို ဆွဲဖွင့်ကြပါစို့
နအဖ ၏ ရခိုင်ပြည် စည်းရုံးရေး တလွဲဖြစ်
ပြီးခဲ့သည့်လက ရခိုင်ပြည်နယ်တွင် တိုင်းမှူးသောင်းအေး၏ အစီအစဉ်အရ ကျန်းမာရေး စောင့်ရှောက်မှု ဟု ဆိုကာ အထူးကု ဆရာဝန် ကြီးများကို နယ်များသို့ဆင်း၍ ဆေးဝါး ကုသစေပါသည်။ (၂၀၁၀) အတွက်ရည်ရွယ် ပြုလုပ်နေကြောင်း နယ်ခံ လူများက ပြောကြား ကြပါသည်။ ဆရာဝန်များကို ကျေးရွာ ကျောင်းများတွင် စစ်ဆေးစေသည်။ သို့သော် လာရောက်သော ကျန်းမာရေး အဖွဲ့များနှင့် အာဏာပိုင် အဖွဲ့များကို ကျွေးမွေးရန် အတွက်ဆိုကာ ကျောင်သား လူငယ်များထံမှ ပိုက်ဆံ(၂၀၀) ကျပ်စီ ကောက်ခံ စေပါသည်။ ဆရာဝန်မကြီး တစ်ယောက်က…….
"အကျွေးအမွေး အစီအစဉ်ကို တကယ်တော့ (ပ၊ယ၊က)က စီစဉ်ပေးရမှာဖြစ်ပါတယ်။ ဆင်းရဲသား ကျောင်းသားတွေ ဆီက ပိုက်ဆံနဲ့ ထမင်းစားရတာ စိတ်မကောင်းပါ"ဟု ပြောကြား သွားပါသည်။ စေတနာ ရှိချင်ယောင် ဆောင်ပြီး မဲဆွယ်နေသည့် နအဖ ၏ လုပ်ရပ်မှာ ပြည်သူများ ဒုက္ခရောက်သည့် အဖြစ် အပျက်များ ဖြစ်ပြီး၊ ပြည်သူလူထု တရပ်လုံးမှာ န၊ အ၊ ဖ ဗိုလ်ချုပ် များ၏ “ပေါ့စေလိုလို့ ကြောင်ရုပ်ထိုး၊ ဆေးအတွက်လေး" သည့် စီမံကိန်း များကြောင့် ဒုက္ခရောက်ပေါင်း များပြီ ဖြစ်ကြောင်း ဒေသခံများကြား ပြောဆိုမှုများ ရှိနေသည်။
လက်ရှိ နပခတိုင်းမှူး ဗိုလ်ချုပ်သောင်းအေးမှာ ဦးလှထွန်းဖြူ ရေးသားသည့် ရခိုင်ပြည် စီးပွါးရေး ဘဏ္ဍာတိုက် စာအုပ်ကို အလွတ် ကျက်ကာ ရခိုင်ပြည်၏ စီးပွားရေးအဆင့်ကို တိုးမြှင့်ပေးလိုသည့် စိတ်သဘောထား ကောင်းသော နအဖဗိုလ်ချုပ် တစ်ဦးဖြစ်ကြောင်း၊ ကိုယ်တိုင် ရုပ်ဖျက်ကွင်းဆင်းကာ ပြည်သူလူထု၏ အခြေအနေကို စနည်းနာလေ့ ရှိကြောင်း တချို့က ပြောဆိုကြသည်။ တချို့ကလည်း ရခိုင်စီးပွါးရေး လုပ်ငန်းရှင်များအား လုပ်ပိုင်ခွင့်ပေးပြီး ယင်းလုပ်ငန်းများတွင် သူ့အနေဖြင့် လေရှယ်ယာ ထည့်လိုသူဖြစ်ကြောင်း၊ တချိန်တည်းမှာ နအဖ၏ တပည့်မွေး မဲဆွယ် စည်းရုံးသည့် နည်းပရိယာယ်ကို ထိထိ ရောက်ရောက် အကောင်အထည် ဖော်ဖို့ ကြိုးစားနေသူ ဖြစ်ကြောင်း ပြောဆိုကြသည်။
နပခ တိုင်းမှူးများ၊ ဗျူဟာမှူးများ၊ ဒ၊ က၊ စမှူးများမှာ အင်းပေါက်ဝ၊ မာစီးဒီးစသည့် အစုစပ် လုပ်ငန်းရှင် ကြီးများအား ပါတီ ထောင်ပြီး ရွေးကောက်ပွဲ ၀င်ဖို့ကို နောက်သလိုလို၊ အတည် လိုလိုဖြင့် သွေးတိုးစမ်းလျက် ရှိကြောင်း သိရှိရသည်။
အိပ်မက်က လန့်နိုး
August 27, 2009
ဝိမုတ္တိကို ပေးပို့လာတဲ့ ကိုးကန့်တပ်မှူးဟောင်း တဦးရဲ့ ရင်ဖွင့်သံ ခံစားချက်ကို ငြိမ်းအဖွဲ့သား အားလုံး သိရှိနိုင်ဖို့ တဆင့် ပြန်လည် ဖော်ပြ ပေးလိုက်ပါတယ်။
အိပ်မက်က လန့်နိုး
ကျနော်တပ်ကထွက်နားနေတာ ကြာပြီ။ ယန်နဲ့ဖုန် ပြန်တိုက်တဲ့ အချိန်ကစပြီး ကျနော် အရပ်သား တယောက်လိုပဲ ထွက်နေလိုက်တာ။
ဒီနေရာ ဒီဒေသမှာ ဒီလို မကြူံဘူးတဲ့ အခွင့်အရေးတွေ ရနေတာဟာ တဒင်္ဂပဲ ဆိုတာ တခါမှ မတွေးမိဘူး။ ရာသက်ပန် ဒီလိုပဲ နေ-စား-သွားရမယ်လို့ ထင်တာပေါ့ ။ ဘာလို့လဲဆိုတော့ ကျနော့် အနေနဲ့ ပွင့်ပွင့်လင်းလင်း ပြောရရင် တခါက ဗကပ တွေကို သိပ်မုန်းခဲ့တာ။ သူတို့တွေ နေရာတကာမှာ ချုပ်ချယ်ခဲ့တယ်လို့ အဲဒီတုန်းက မြင်ခဲ့တာ။ ဒီတော့ ကျနော်တို့ ကိုယ့်ခြေ ကိုယ့်လက် လုပ်ချင်တာ လုပ်နိုင်အောင် ခွဲထွက် ခဲ့တာပေါ့။
အဲဒီအချိန် တုန်းက နအဖ က ကျနော်တို့အပေါ် ဆက်ဆံခဲ့တာတွေက ယုံတောင် မယုံနိုင် စရာပါပဲ။ အခုနဲ့တခြား စီပဲလေ။ ဖူးဖူးမှုတ်ထားတာ။ ကျနော်တို့ ဘာပဲလုပ်လုပ် တိုင်းရင်းသား ခေါင်းဆောင်ကြီးတွေ ဆိုပြီး ကြိုလိုက်ကြတာ။ ကိုယ့်ကိုယ်ကိုလည်း ဘ၀င်တွေ မြင့်တော့တာပေါ့။ တချိန်တည်းမှာလည်း ဗကပ ခေါင်းဆောင်တွေ ငါတို့ကို လိမ်ပြောထားတာ ပဲလို့ ထင်ခဲ့တာ။ ငါတို့ကို ဒီလို အခွင့်အရေးတွေ ပေးမှာစိုးလို့ သူတို့ ချုပ်ချယ် ထားတာပါလား ဆိုပြီး ဆဲမှ ဆဲပေါ့။
အခုတော့ ကျောချ မှဓါးပြမှန်းသိ ဆိုသလိုပဲ ။ အနှစ် ၂၀ ပြန်ငဲ့ကြည့်လိုက်တော့ ကျနော်တို့ ကိုးကန့်တွေ အစိတ်စိတ် အမွှာမွှာ အခွဲခံ ကြရပီလေ။ နအဖ တပ်တွေက ကျနော်တို့ ဒေသကို အကုန်လုံး ချုပ်ကိုင် လိုက်ကြပြီ။ တချိန်တုန်းက တိုက်ယူလို့ မရခဲ့တဲ့ နယ်မြေ ဒေသတွေ အကုန်လုံး အခုတော့ ကျနော်တို့ ချင်းလည်း ရန်သူဖြစ်။ ပြန် ချ။ သူတို့က အဆင်သင့် ၀င်ထိုင်။ ခဲတလုံးနဲ့ ငှက် ၂ ကောင် ပစ်တာလား။ ယာလည်းညက် ကြက်လည်းမော ဆိုတဲ့ စကားအတိုင်း အကုန် ဖြစ်ကုန်ပြီလေ။ ဒီမြေနေ ဒီရေ သောက်နေတဲ့ ကျနော်တို့ လူထုတွေ ဒုက္ခပင်လယ် ဝေကြပြီကော။
ကျနော်တို့ ဘာလုပ်ကြမလဲ။ ကျနော်တို့ ငြိမ်းအဖွဲ့တွေ အကုန်လုံး နအဖ စစ်အုပ်စုရဲ့ အကြံယုတ် အောက်မှာ တစတစနဲ့ အဖြိုခံ အမြိုခံနေ ရပြီလေ။ အားလုံး တော်လှန်ရေးသတိ ပြန်ရှိကြပါစို့။ ဒီမိုကရေစီ အင်အားစု အကုန်လုံးနဲ့ လက်တွဲပြီး တော်လှန်ရေး ပြန်စ ကြရအောင်လား။
အငြိမ်းစားကိုးကန့်တပ်မှူးတဦး
0 Comments:
Post a Comment