အင်္ဂလိပ်မှမြန်မာဘာသာသို့ ပြန်ဆိုပေးနိုင်မည့်ဆော့ဖ်ဝဲ အခမဲ့ရယူနိုင်ပြီ

အင်္ဂလိပ်မှမြန်မာဘာသာသို့ ပြန်ဆိုပေးနိုင်မည့်ဆော့ဖ်ဝဲ အခမဲ့ရယူနိုင်ပြီ

အင်္ဂလိပ်ဘာသာမှ မြန်မာဘာသာသို့ တိုက်ရိုက်ဘာသာပြန်ပေးနိုင်သော ဆော့ဖ်ဝဲတစ်ခုကို Onlineမှတဆင့် အခမဲ့ Downloadလုပ်နိုင်ပြီဖြစ်သည်။ မတ်လ(၂၇)ရက်နေ့မှစပြီး အဆိုပါစနစ်ကို www.myanmarnlp.org.mm ဝက်ဘ်ဆိုက်တွင် အခမဲ့ ရယူနိုင်ကြောင်း သိရသည်။ File Sizeအနေနှင့် 82.9MBရှိသော အဆိုပါဆော့ဖ်ဝဲသည် Windows XP SP2နှင့် Windows Vistaတို့တွင် အလွယ်တကူ အသုံးပြုနိုင်သော်လည်း အခြားWindows Versionများတွင်မူ Softwareအချို့ ဖြည့်စွက်ထည့်သွင်းရန် လိုအပ်သည်ဟု ဆိုသည်။ ယခုဆော့ဖ်ဝဲအား ဆက်သွယ်ရေး စာတိုက်နှင့် ကြေးနန်း ၀န်ကြီးဌာန၊ သိပ္ပံနှင့် နည်းပညာ ၀န်ကြီးဌာန၊ ပညာရေး ၀န်ကြီးဌာနတို့မှ တာဝန်ရှိသူများ၊ ဘာသာဗေဒ ပညာရှင်များ၊ ကွန်ပျူတာ ပညာရှင်များ စုစည်းကာ (၃)လကြာမျှ အချိန်ယူဖန်တီးခဲ့ရကြောင်း သိရှိရသည်။



(www.myanmarnlp.com အဖွင့်စာမျက်နှာ)

ဆော့ဖ်ဝဲတွင်တွင် အင်္ဂလိပ် Grammar Pattern အခု(၂၀)ကျော်အနက် (၁၅)ခုကို အသုံးပြုထားပြီး အသုံးပြုသည့် Dictionaryမှာ မြန်မာစာအဖွဲ့မှ ထုတ်ဝေသည့် အင်္ဂလိပ်-မြန်မာအဘိဓာန်ဖြစ်သည်။ လက်တလောတွင် Beta Versionအနေနှင့်သာ ရှိနေသေးသည့် ယခုဆော့ဖ်ဝဲအတွင်း စာလုံးရေ နည်းပါးနေသေးသလို စကားလုံး အသုံးအနှုန်းများလည်း လိုက်လျောညီထွေ ပြောင်းလဲမှုအတွက် လိုအပ်ချက်များ ရှိနေဆဲဖြစ်သည်။ သို့သော်လည်း လိုအပ်ချက်များကို ဖြည့်ဆည်းသွားမည်ဖြစ်ပြီး နောက်လာမည့် Versionများတွင် ယခုထက်ပိုကောင်းသော စနစ်များ ထည့်သွင်းပေးသွားမည်ဟု သိရသည်။ အင်္ဂလိပ်-မြန်မာ ဘာသာပြန်စနစ်တွင် မြန်မာဘာသာ ပြန်ဆိုမှုအတွက် Myanmar 3 Unicode fontဖြင့် ပြန်လည်ဖော်ပြသွားမည်ဖြစ်ပြီး ဘာသာပြန်ထားမှုအား Unicode Supportပေးသော Fontများနှင့် သိမ်းဆည်းနိုင်မည်ဖြစ်ကြောင်း သိရသည်။



(အင်္ဂလိပ်-မြန်မာပြောင်းနိုင်မည့်ဆော့ဖ်ဝဲ user interface)

(ဒီနေရာမှ ကူးယူဖေါ်ပြပါတယ်)
http://www.ashinkumara.com/