ယနေ့ တနင်္ဂနွေနေ့ နေ့လည် ၁၂ နာရီက မဲဆောက်ချစ်ကြည်ရေး တံတားအောက်တွင် 2009 Collective Action Committee , BPPU , FBF , Free Burma Project ,Mon National Democratic Front(LA) တို့ ပူးပေါင်းထားသော Joint Action Committee ၏ ဦးဆောင်မှုဖြင့် ဆန္ဒပြ လှုပ်ရှားခဲ့ကြပါသည်။
ထိုလှုပ်ရှားမှုတွင် အလုပ်သမားအဖွဲ့တချို့နှင့် ALC, AWU ,ABSU အဖွဲ့များ လည်းပူးပေါင်းပါဝင်ခဲ့ကြပါသည် ။ မဲဆောက် ဒေသသည် အခြားဒေသများနှင့်မတူပဲ ဆန္ဒုပြ လှုပ်ရှားမှုများဖြစ်ရန် ခက်ခဲသော်လည်း အားလုံး၏ စုစည်းညီညွတ်မှုဖြင့် အောင်မြင်စွာကျင်းနိုင်ခဲ့ပါသည်။ဆန္ဒပြပွဲကို မူလကသတ်မှတ်ထားသည့်အတိုင်း ၁၂ နာရီ တိတိ တွင်စတင်ခဲ့ပြီး အထက်ပါအဖွဲ့ အသီးသီးမှ တာဝန်ရှိသူများ၊ ရွှေဝါရောင်တော်လှန်ရေးတွင်ပါဝင်ခဲ့သော လက်ရှိ ထိုင်းနိုင်ငံ သံဃာ့ဥသျှောင် အဖွဲ့ဝင် သံဃာများ၊ စက်တင်ဘာအရေးအခင်းက ထွက်ပြေးတိမ်းရှောင်လာခဲ့သော တက်ကြွ လှုပ်ရှားသူများ ၊ တသီး ပုဂ္ဂလများ၊ လူအခွင့်အရေးကို မြတ်နိုးပြီး မြန်မာနိုင်ငံအပေါ် စာနာမှုရှိကြသော နိုင်ငံခြားသားများ စသည်ဖြင့် စုစုပေါင်း လူတရာနီးပါးခန့် ပါဝင်ခဲ့ကြပါသည်။
၁၂ နာရီ တိတိ အချိန်တွင် တံတားထိပ်တွင် စုရုံးကြ၍ ပိုစတာများ ကိုင်ဆောင်ပြီး ကြွေးကျော်သံများအော်ဟစ်၍
တံတားအောက်သို့ ချီတက်ခဲ့ကြပါသည်။“ဒေါ်အောင်ဆန်းစုကြည် လွတ်မြောက်ရေး- ဒို့အရေး၊ စစ်အစိုးရ ပြုတ်ကျရေး-ဒို့အရေး၊ ဒီမိုကရေစီ ရရှိရေး-ဒို့အရေး စသည်တို့အပြင် ဒေါ်အောင်ဆန်းစုကြည် ချက်ချင်းလွှတ်၊ နိုင်ငံရေး အကျဉ်းသားများ ချက်ချင်းလွှတ် စသည်ဖြင့်လည်း တောင်းဆို ကြွေးကျော်ခဲ့ကြပါသည်။
ထိုနောက် တံတားထိပ်သို့ပြန်လာကြပြီး သတင်းဌာနအသီးသီး၏ မေးမြန်းချက်များကို ဖြေကြားခဲ့ကြပါသည်။ ဆန္ဒပြပွဲကို ထိုင်းနိုင်ငံတာဝန်ရှိသူများက တဖက်ကမ်းအနီး တံတားအောက်တွင် ကြာရှည်စွာ ဆန္ဒမပြရန် တားဆီးခဲ့သည်မှလွဲ၍ နှောက်ယှက် ဟန့်တားမှုများ မပြုခဲ့ပါ။ နာရီဝက်ကျော်ကြာ ငြီမ်းချမ်းစွာ ကြွေးကြော် ဆန္ဒပြခဲ့ပြီးနောက် အေးချမ်းစွာ လူစုခွဲသွားခဲ့ကြပါသည်။
ဆန္ဒပြသူများက မေးမြန်းချက်များကို ဖြေကြားရာတွင် ဒေါ်အောင်ဆန်းစုကြည်ကို မတရား အမှုဆင် ထောင်ချရန် စစ်အုပ်စုမှ လုပ်ဆောင်နေခြင်း အပေါ် ပြင်းထန်စွာ ရှုတ်ချခဲ့ကြပြီး ထိုကိစ္စကို ရပ်တန်းကမရပ်မချင်း၊ ပြုပြင် ပြောင်းလဲမှုများ မလုပ်မချင်း အရှိန်မြှင့်၍ ဆက်လက်တိုက်ပွဲဝင်သွားမည်ဟု ပြောကြားခဲ့ကြပါသည်။
၂၀၀၉ စုစည်းလှုပ်ရှားမှုကော်မတီ(မြန်မာပြည်)
http://www.saffrontoward.blogspot.com/
0 Comments:
Post a Comment