ကျွန်တော်တို့နှင့် မိုဘိုင်းလ်ဖုန်းရောဂါ

မြန်မာငွေ ကျပ်ခြောက်သောင်းမျှ ရှိရုံမျှနှင့် ဖုန်းကိုင်နိုင်တော့မည်။ ထိုသတင်းသည် တောမီးပမာ ပြန့်နှံ့သွားပြီးနောက် ဟိုနေရာလဲ ဒီအကြောင်း၊ ဒီနေရာလဲ ဒီအကြောင်းနှင့် ဆွေးနွေးစရာ သတင်းခေါင်းစဉ်ကောင်းတစ်ခု ဖြစ်လာလေတော့သည်။ အားလုံး သိပြီးဖြစ်တဲ့အတိုင်း နာမည်ကြီး ဂျာနယ်တစ်စောင်က အဲဒီ့သတင်းကို မျက်နှာဖုံးတင်ပြီး ဖွခဲ့ရာကစသည်။ လူတွေများ ဘယ်လောက်တောင် Hand Phoneရောဂါ ထနေကြလဲမသိ။ ဂျာနယ်ထွက်သည့်နေ့ နေ့လည်ခင်းမှာပဲ ဂျာနယ်တွေ ပြိုက်ကနဲ ကုန်သွားတဲ့အကြောင်း လက်ပွေ့ရောင်းသူတွေက ဆိုသည်။ ၀ယ်လိုအားနဲ့ ရောင်းလိုအားက မမျှတော့။ ဒီတော့ အဲဒီသတင်းကို A4စာရွက်မှာ Copyဆွဲပြီး တစ်ရွက်နှစ်ရာနှင့် ရောင်းသည်ဟူသတည်း။ အဆိုပါ စာရွက်ကလေးများပင် ရောင်းမလောက်ဖြစ်ကာ မိတ္တူဆိုင်တွေ ထိုနေ့က အတော်လေး စီးပွားဖြစ်သွားခဲ့ကြသည်။

ထိုအကြောင်းများ ကြားရတော့မှ “သြော် … ရန်ကုန်မှာ Hand Phoneလေး ကိုင်ချင်တာ ငါတစ်ယောက်တည်း မဟုတ်ပါလား”ဆိုတာ သိရတော့သည်။ GSMဖုန်းများကို အစိုးရက လိုင်စင်ချပေးနေသည့်တိုင် မဲစနစ်နှင့်ဆိုတော့ လျှောက်တိုင်းလည်း မပေါက်။ အပြင်ဈေးဖြင့် ၀ယ်ကိုင်ဖို့ကြတော့လဲ ရုန်းကန်နေရသည့် ဘ၀အခြေအနေတွင် သိပ်ပြီးအဆင်မပြေ။ ဒီတော့ လူတွေက လမ်းဘေးက ဆက်သွယ်ရေးဖုန်းလေးတွေကိုသာ အားကိုးနေခဲ့ကြရသည်။ ခုတော့ ငွေခြောက်သောင်းလောက်နဲ့ Hand Phoneလေး ခါးချိတ်ခွင့် ရကြတော့မည်ဆိုတော့ … အဟဲ၊ ဘာပြောကောင်းမလဲ။ ၀မ်းသာမိတာမှ အတိုင်းထက်အလွန်ပေါ့ဗျာ။

ဂျာနယ်မှာ ရေးထားတာက ရတနာပုံ Cyber Cityတွင်သာ အဆိုပါဖုန်းစနစ်ကို လူကိုယ်တိုင် လာရောက်ဝယ်ယူသူများအား ရောင်းချပေးမည် ဆိုပဲ။ ကတ်ဖုန်းစနစ်ဖြစ်ပြီး ပထမဆုံး ကတ်ဝယ်ယူပြီးပါက သက်တမ်းအလွယ်တကူ တိုးနိုင်မည်တဲ့။ သွားဝယ်ရမည့်နေရာက ရန်ကုန်နှင့်ဝေးသော်လည်း လူတွေက တက်ကြွနေကြသည်။ ဖုန်းကိုင်ရတော့မှာကိုး။ FEC (၅၀)ပေးသွင်းရမည်ဆိုတော့ FECနှင့် မြန်မာကျပ်ငွေ ကြိုလဲတဲ့လူတွေက လဲသည်။ အောင်မာ … ကောလဟာလ သတင်းအချို့အရ ပြင်ဦးလွင်ဘက်သွားမည့် ရထားလက်မှတ်၊ ကားလက်မှတ်တွေတောင် နှစ်ဆထိ ဈေးတက်သွားတယ်ဆိုပဲ။ သြော် … မဟာရန်ကုန် လူထု၏ မိုဘိုင်းလ်ဖုန်းရောဂါက တော်တော်လေးကို ကြီးနေတာပဲ။

မန္တလေးက လူတွေကတော့ ပြင်ဦးလွင်ဘက်နှင့်နီးသဖြင့် ပိုပြီးကျေနပ်နေကြသည်။ သူတို့က ခရီးလမ်း အနေအထားအရ ရန်ကုန်သားတွေထက် တပမ်းသာသည်။ နေ့ချင်းပြန်သွားပြီး မှတ်ပုံတင်လေးပြ၊ FECလေးသွင်း၊ ဖုန်းကတ်လေးထုတ်ပြီး ပြန်လာရုံပဲ။ နောက်တော့ Hand Setလေးဝယ်ပြီး ကတ်လေးထည့်။ အဟ … အတွေးနဲ့တင် ကြည်နူးစရာဖြစ်သည်။ နောက်ဆိုရင် Hand Phoneဆိုတာ လူချမ်းသာများသာ ကိုင်နိုင်သည့် ဇိမ်ခံပစ္စည်း မဟုတ်တော့ပေ။ ကိုရီးယားဇာတ်ကားတွေထဲကလို သူဌေးကြီးတွေအစ၊ အိမ်သာသန့်ရှင်းရေး လုပ်တဲ့သူတွေအဆုံး အသုံးပြုခွင့်ရမည့် ဆက်သွယ်ရေး ကိရိယာလေး ဖြစ်လာတော့မည်။ ဘယ်လောက်ကောင်းသလဲ။

ထိုသတင်းအား လူတန်းစားအစုံက ကြိုဆိုကြသည်။ ပွဲစားတွေ၊ ကျောင်းဆရာ၊ ဆရာမတွေ၊ အစိုးရ၀န်ထမ်းတွေ၊ ကုမ္ပဏီလုပ်သားတွေ၊ ITကျွမ်းကျင်သူတွေကအစ ဆိုက်ကားသမားတွေ၊ ဟင်းရွက်သည်တွေအဆုံး အားလုံးက စိတ်ဝင်စားကြသည်။ နောက်ဆိုရင် ညနေပိုင်း ယမကာဆိုင်မှာ ပုံမှန်မှီဝဲတာလေးလျှော့ပြီး ပိုက်ဆံစုမှဟု တွေးသူတွေကတွေးသည်။ ငွေခြောက်သောင်းဆိုတာ ပြောပလောက်တဲ့ ပမာဏမှ မဟုတ်တာ။ နော့။ အသောက်လေးလျှော့ပြီး ငွေစုကာ Hand Phone၀ယ်ကိုင်မည်ဟု တွေးသူတွေက တွေးကြသည်။ လက်ဖက်ရည်ဆိုင်တွေမှာလည်း ဒီအကြောင်းက ပြောမဆုံးတော့။ ဆိုက်ကားသမားကြီးတစ်ဦးက သူဆိုက်ကားနင်းပြီး ပင်ပန်းလာချိန်တွင် ထမင်းပွဲကို ငါးပိရည်၊ တို့စရာ ဖွယ်ဖွယ်ရာရာ ကြိုပြင်ထားရန် ဖုန်းဆက်ပြီး မိန်းမကို လှမ်းမှာထားမည်ဟု ဘ၀တူ ဆိုက်ကားသမားတွေကို အော်ကြီးဟစ်ကျယ် ပြောနေသည်။ ချစ်သူစုံတွဲလေးများ တွတ်ထိုးနေရာတွင်လည်း “နောက်ဆို ကိုကိုဘယ်ရောက်နေလဲ၊ ဘာလုပ်နေလဲဆိုတာ ဖုန်းဆက်ပြီး Checkingလုပ်လို့ရပြီ”လို့ ကောင်မလေးက ပြောသည်။ နောက်ပြီး ဖုန်းHand Setရောင်းတဲ့ဆိုင်တွေကလဲ ကတ်ဖုန်းတွေ ပေါ်လာချိန်တွင် Hand Setများ ရောင်းအားတက်လာမည်ကို ကြိုတင်တွက်ဆပြီး Hand Setအသစ်တွေ မှာယူဖို့ပါ ပြင်ဆင်လာကြသည်။ မနက်ခင်း လည်ရောင်းသော ပဲပြုတ်သည်ကြီးပင် “ဟောဒီက ပဲပြုတ်”ဆိုတာကို ယောင်ပြီးတော့ “ဟောဒီက ဟန်းဖုန်း”ဆိုပြီး အော်မိတာမျိုးတွေ ဖြစ်လာတော့သည်။ ထိုမျှလောက်ကို လူတွေအတွက် ထိုသတင်းက အရေးပါခဲ့လေသည်။

သို့သော်လည်းပေါ့နော်။ အဟဲ။ ဘာတွေဘယ်လို မှားသွားသည်မသိ။ သတင်းက တဖြည်းဖြည်းနဲ့ အင်အားလျော့ပါးလာသည်။ FECလဲထားသူတွေလဲ မျက်လုံးလေးတွေ ကလယ်ကလယ်နဲ့ ဘာလုပ်လို့ ဘာကိုင်ရမှန်း မသိတော့။ ဟိုဟာလိုလို၊ ဒီဟာလိုလိုနှင့် ချီတုံချတုံတွေ ဖြစ်လာကြသည်။ နောက်တော့မှ ထိုဂျာနယ်ကပင် ထပ်ပြီးသတင်းပါလာပြန်သည်။ တစ်ပါတ်တိတိ ကြာချိန်မှာပေါ့။ တကယ်ပဲ ကတ်ဖုန်းတွေ ရောင်းမည်။ သို့သော်လည်း မူလက ဖော်ပြမှုတွေနှင့် ကွဲလွဲမှုတွေ ပါလာသည်။ ကတ်အမျိုးအစား (၂)မျိုးကို ရောင်းပေးမည်။ တစ်မျိုးက (၁၀)FECတန်ဖြစ်ပြီး သက်တမ်းတစ်ပါတ်ကြာမည်။ အဲ နောက်တစ်မျိုးကတော့ (၂၀)FECပေးဆောင်ကာ သက်တမ်း(၁)လခံမည်။ အဲဒီအတောအတွင်း သတ်မှတ်ခေါ်ချိန်ပြည့်အောင် ဖုန်းခေါ်ချင်ခေါ်၊ မခေါ်လျင် အဲဒီကတ်ကို အဆုံးခံပေတော့။ ဖုန်းအ၀င်၊ အထွက်အတွက် ၀န်ဆောင်ခ ပေးဆောင်ရမည်ဖြစ်ပြီး txt messageအတွက် သတ်မှတ်ထားသည့် ငွေကြေးမှာလည်း သာမန်GSMတွေထက် များနေသေးသည်။

ကဲ … ဘယ်လိုတွေ ဖြစ်ကုန်တာတုန်း။ သတင်းဆိုတာ အဲလိုပဲ ချက်ချင်းပြောင်းတတ်သလား။ အခုသတ်မှတ်လိုက်တဲ့ စနစ်ကရော မြန်မာလူထုနဲ့ ကိုက်ညီနိုင်ပါ့မလား။ စဉ်းစားစရာတွေ ဖြစ်လာသည်။ မြန်မာတွေထဲတွင် ဖုန်းဆက်ချင်လို့ ဖုန်းလိုချင်ကြသော အရေအတွက်ထက် ဖုန်းကိုင်ချင်လို့ ဖုန်းလိုချင်သည့် လူဦးရေက အဆပေါင်းများစွာ ပိုများပါသည်။ ပြောရရင် လောက်လောက်လားလား ဖုန်းဆက်စရာ မရှိပေမယ့် Hand Phoneလေး ခါးချိတ်ထားချင်ကြသည်။ အဲလိုမျိုးလေး ခါးချိတ်ခွင့်ရရင်တောင် လူဖြစ်ရကျိုးနပ်ပြီဟု တွေးနေသူတွေက မနည်းလှပေ။ FEC(၅၀)ပေးပြီး ဖုန်းကတ်လေးများ ၀ယ်ဖြစ်ခဲ့ရင် ဖုန်းမဆက်ဖြစ်ပေမယ့် “ဖုန်းကိုင်ထားတယ်ကွ”ဆိုပြီး မာနကြီးလိုက်မကွာ ဆိုတဲ့အတွေးမျိုးနဲ့ မျှော်လင့်ခဲ့ကြသည်။ ကဲ … ခုတော့ ကတ်ဖုန်းတွေ ပေါ်လာပြီလေ။ တကယ်ပဲ မျှော်လင့်တဲ့အတိုင်း ဖြစ်လာပါသလား။

တော်တော်လေး ၀မ်းနည်းစရာကောင်းပါသည်။ ကိုယ့်အနေနဲ့ ဖုန်းကတ်လေးဝယ်ထားသော်လည်း ဆက်ဆက်၊ မဆက်ဆက် သက်တမ်းကုန်ရင် သုံးမရတော့ပါဆိုသည့် Durationကန့်သတ်ချက်ကြီးက လူတွေရဲ့ Hand Phoneမျှော်လင့်ချက်ကြီးကို ရင်ဝဆောင့်ကန်လိုက်ပါတော့သည်။ ဖုန်းသုံးသူတစ်ယောက်သည် ကိုယ်ဖုန်းပြောပြော၊ မပြောပြော တစ်လကို FEC(၂၀)သွင်းရတော့မည်။ ဧကန္တတော့ ထိုသို့သက်တမ်း သတ်မှတ်ထားခြင်းမှာ မုန့်တွေ၊ စားစရာတွေမှာ Expire Dateသတ်မှတ်ပေးထားတာမျိုး အကြာကြီးနေမှ သုံးမိရင် ဖုန်းကတ်ကြီး သိုးသွားနိုင်တာမို့ ဖြစ်နိုင်ပါသည်။ ခုတော့ပေါ့ဗျာ။ လူတွေလဲ တော်တော်လေး နောင်တရနေကြပါပြီ။ ညနေပိုင်းလေး နေညိုရင် လေအပြိုကို ကြိတ်မှိတ်ခံပြီး ပိုက်ဆံစုထားခဲ့တဲ့ (၇)ရက်တာ ကာလလေးကို နှမျောနေကြသည်။ ထိုစနစ်မျိုး ယခင်က ဘယ်နိုင်ငံက ကတ်ဖုန်းစနစ်မှာများ အဲဒီလောက် သက်တမ်းတိုတိုလေး အသုံးပြုနိုင်မယ့် ကတ်ဖုန်းစနစ်ကို တီထွင်ခဲ့ဖူးလဲ မသိပေ။ ဘယ့်နှယ်ဗျာ။ ကိုယ်တစ်ခါမှ ဖုန်းမဆက်လဲ တစ်လတစ်ခါ သက်တမ်းကုန်မယ်ဆိုတော့ သူများမိန်းမကို မယားစရိတ် ထောက်ပံ့သလို ဖြစ်နေတော့မပေါ့။ ကိုယ်မသုံးရပဲ ပုံမှန်ပိုက်ဆံပေးနေရတာကို ဆိုလိုတာပါ။

ကဲ … ကျွန်တော်ကတော့ ရူးခဲ့ဖူးပါသည်။ ငွေခြောက်သောင်းလောက်နဲ့ Hand Phoneလေး ခါးချိတ်ရမယ့်အရေး ပျော်ပျော်ကြီးတွေးပြီး အိပ်မက်ထဲထိ စွဲလန်းခဲ့ဖူးပါသည်။ ရည်းစားဦးကိုတောင် စားလဲဒီစိတ်၊ သွားလဲဒီစိတ်ဖြစ်တဲ့ထိ တမ်းတမ်းစွဲ မဖြစ်ခဲ့ဖူးပါ။ ခုတော့ ကျွန်တော်သဘောပေါက်ပါပြီ။ Hand Phoneဆိုတာ ကျွန်တော်နဲ့ လားလားမှ မအပ်စပ်ပါ။ ကျွန်တော့်လိုမျိုး စိတ်ကူးနဲ့ ပျော်ခဲ့တဲ့လူတွေနဲ့လဲ မအပ်စပ်ကြောင်း သတိလေး ပေးပါရစေ။ ခုတော့ ကိုရီးယားကားထဲမှာ လမ်းဘေးအမှိုက်ကောက်တဲ့ ၀န်ထမ်းတွေ Hand Phoneပြောနေကြတာလေးပဲ ငေးနေကြပါစို့။ ကျွန်တော်တို့လဲ တစ်နေ့နေ့တော့ အဲဒီအခွင့်အရေးလေး ရလာနိုင်ကောင်းပါသည်။ အင်း … တစ်နေ့နေ့ပေါ့နော်။ ။

http://myanmarictweek.com