လေဥ

တစ်ခါတုန်းကပေါ့....

တောင်ကြီး အမျိုးသမီးနဲ့ ကလေးဆေးရုံ - သားဖွါးဆောင်မှာ တာဝန်ကျတုန်းက စ၀်စံထွန်းဆေးရုံက အစ်မက ဖုန်းဆက်လာတယ်။ လူနာတစ်ယောက် လွှဲလာမယ်.. နေ့စေ့လစေ့ ကိုယ်ဝန်နဲ့ မီးဖွားတော့မယ်တဲ့။ နည်းနည်းတော့ အံ့သြသွားတယ်.. ကိုယ်ဝန်ဆောင်သည်လူနာက ဘာဖြစ်လို့ စ၀်စံထွန်းဆေးရုံကို သွားလိုက်ပါလိမ့်ပေါ့။ ကိုယ်ဝန်သည်ဆိုရင် အမျိူးသမီးနဲ့ ကလေးဆေးရုံကို လာရမှာကို မသိလို့ပဲလား နီးစပ်ရာဆေးရုံကို သွားတာပဲလား စသဖြင့်ပေါ့ စဉ်းစားမိတယ်။

လူနာလည်း ရောက်လာရော ထုံးစံအတိုင်း history တွေမေး၊ စမ်းသပ်တာတွေ လုပ်တာပေါ့။ လူနာနံမည်အရင်မေး အသက်မေး ပြီးတော့ သားဖွားဆောင်ဆိုတော့ ထုံးစံအတိုင်း ယောက်ျားနံမည်ကိုပါ မေးရတာပေါ့။ ယောကျာ်းနာမည် ဘယ်လိုခေါ်လဲဆိုတော့.. ယောကျာ်းမရှိသေးဘူး အပျိုစစ်စစ်တဲ့။ ပြဿနာက အဲဒီမှာ စတာပဲ..။ ဗိုက်ကဖြင့် ကြီးပြီး ကလေးတောင်မွေးတော့မယ် အပျိုစစ်စစ်တဲ့ ။ ဘေးက ပါလာတဲ့ သူ့အမေကလည်း ဟုတ်ပါတယ် သူ့သမီးက အပျိုစစ်စစ်ပါ.. ရည်းစားတောင် မရှိပါဘူး ဒီအလုံးက ကိုယ်ဝန်မဖြစ်နိုင်ပါဘူး ဘာညာနဲ့ ၀င်ပြောပါလေရော။

အဲဒါ ကိုယ်ဝန် ... ဗိုက်ထဲမှာ အလုံးမဟုတ်ဘူး ... ကလေး... အဲဒီကလေးကို မွေးတောင် မွေးတော့မယ် စသဖြင့် ရှင်းပြလည်း မရဘူး။ ကိုယ်ဝန်မဖြစ်နိုင်ဘူး အလုံးပဲ ... အရင် ကိုးလလောက်တုန်းက ဖျားလို့ ပအိုဝ် ဆေးဆရာဆီက တိုင်းရင်းဆေး တောင်းသောက်ပြီးး အလုံးက တဖြည်းဖြည်း ကြီးလာတာတဲ့။ အခုမှ ဗိုက်နာလို့ အလုံးဆိုပြီး စ၀်စံထွန်းဆေးရုံကို သွားပြတာ ဟိုက လွှဲပေးလိုက်လို့ ရောက်လာတာတဲ့။ ခွဲထုတ်ပေးပါ... ကလေးမဟုတ်ပါဘူးလို့ အတင်းကို ငြင်းနေတော့တာ... ဘယ်လိုမှ ပြောလို့ကို မရဘူးး။

လူနာကို စမ်းလိုက်တော့ မွေးတော့မယ်လေ ဒါနဲ့ မွေးလူနာ စောင့်ဆိုင်းခန်းကို ပို့ ပြီးတော့ သူ့ အခြေအနေကို စောင့်ကြပ် ကြည့်ရှူရတာပေါ့...။ လားလား ညကျတော့ အဲဒီလေဥကြီးကနေ ကလေးမွေးပါလေရောလား။ ကလေးကို သူ့အဖွားကို ပြပြီး တွေ့လား အဲဒီမှာ ကလေး.. ဆိုပြီးပြတော့မှ သူ့သမီးကို ဆွဲဆိတ်တာ..။ သွေးနုသားနုကို မလုပ်ပါနဲ့လို့ မနည်းတားယူရတယ်။

အမှန်တကယ် အတာလား အ ချင်ဟန်ဆောင်တာလား တော့မသိဘူးပေါ့။ အဲဒီတုန်းက မေးဖို့ မေ့သွားတယ် ခင်များရဲ့ သမီးကိုလည်း ပအိုဝ်ဆေး စားပြီး မွေးထားတာလားလို့... ။ :D

အဲဒီတုန်းက တူတူတာဝန်ကျတဲ့ လူတွေထဲမှာ ပအိုဝ်မလေး တစ်ယောက်လည်း ပါတယ်။ သူ့ကိုအခု ထိ တွေ့တိုင်း ပြောတယ်.... နင်တို့ ပအိုဝ်ဆေးက တော်တော်စွမ်းတယ်နော်လို့...။ သူငယ်ချင်းတို့လည်း ပအိုဝ်ဆေးဆို သတိထားဗျ လေဥ ဥနေဦးမယ်... :D
http://ulmuka.blogspot.com/