ကေအန်ယူ တပ်မဟာ (၆) ခလုန်းလောင်ချယ် စခန်းကို ဒီကေဘီအေသိမ်းပိုက် ကေအန်အယ်အေတပ်သားနှစ်ဦးကျဆုံး

ဒီကေဘီအေ နှင့် နအဖ ပူးပေါင်းတပ်ဖွဲ့များသည် ယမန်နေ့က တိုက်ခဲ့သည့်ကရင်အမျိုးသားလွတ်မြောက်ရေး တပ်မတော် တပ်ရင်း (၂၀၁) လက်အောက်ခံ တပ်ခွဲ(၃)စခန်း (ခလုန်းလောင်ချယ်)အား ယနေ့နံနက် (၆)နာရီမှာ အင်အားအလုံးအရင်းနှင့် မိုးထဲရေထဲ ထပ်မံဝင်ရောက် တိုက်ခိုက်ရာ စခန်းကို လက်လွှတ်ခဲ့ရကြောင်း ဒုအရာခံဗိုလ် စောထိခုက ခေတ်ပြိုင်သို့ ပြောသည်။

ယနေ့နံနက် (၁၁)နာရီ အချိန်တွင် ကရင်အမျိုးသားလွတ်မြောက်ရေးတပ်မတော် တပ်မဟာ (၆) တပ်ရင်း (၂၀၁) စခန်း၏ လက်အောက်ခံ တပ်ခွဲ(၃) စခန်းကို ဒီကေဘီအေက သိမ်းလိုက်ခြင်းဖြစ်သည်။ မကြာခင်မိမိတို့ ပြန်လည်သိမ်းပိုက်ရန် တန်ပြန်ထိုးစစ်ဆင်မည်ဟု ဒုအရာခံဗိုလ် စောထိခုက ပြောသည်။

တပ်ရင်း (၂၀၁) လက်အောက်ခံ တပ်ခွဲ(၃)မှ ဒုအရာခံဗိုလ် စောထိခုက “မနေ့မနက်ကနေစပြီးတော့ သူတို့ တိုက်တာ မရဘူး။ ဒီမနက် (၆)နာရီမှာ ကျတော်တို့ စခန်းကိုအင်အား အလုံးအရင်းနဲ့ ချဉ်းကပ်လာတယ်။ ဗမာစစ်တပ်က အနောက် ထိုင်ပြီး(၆၀)မမ၊ (၈၁)မမ လက်နက်ကြီးနဲ့ ကူပစ်ပေးတာ အလုံး(၅၀)လောက် ရှိတယ်။ ဒီမနက် (၁၁)နာရီကျတော့ ကျနော်တို့ စခန်းကို ယာယီလက်လွတ်လိုက်ရတယ်။ ဒါပေမယ့် ဒီစခန်းက ယာယီစခန်းပဲ။ တပ်ရင်း ဌာနချုပ် တော့မဟုတ်ဘူး။ လောလောဆယ် အသေအပျောက် ထိခိုက် ဒဏ်ရာ ရတာတွေကတော့ အသေးစိပ်မသိရ သေးဘူး”ဟု ခေတ်ပြိုင်သို့ ပြောသည်။

(၂၀၁)တပ်စခန်းလက်အောက်ခံ တပ်ခွဲ(၃)အခြေစိုက်ရာ ခလုန်းလောင်ချယ်စခန်းသည် မဲဆောက် မြို့ တောင်ဘက် ကီလိုမီတာ (၁၄၀)အကွာ အုန်းဖန်မြို့နယ်တဖက်ကမ်း နယ်စပ်မျဉ်းမှ မြန်မာဘက်ခြမ်း (၅)ကီလိုမီတာ အကွာအဝေးတွင်ရှိသည်။ ထိုင်းဘက်ခြမ်းရွာမှာ မယ်ပလောခီးထိုင်းရွာ ဖြစ်သည်။

ယမန်နေ့က ဖြစ်ပွားခဲ့သည့် တိုက်ခိုက်မှုတွင် ကရင်အမျိုးသားလွတ်မြောက်ရေးတပ်မတော်ဖက်မှ ထိခိုက်ကျ ဆုံးမှု မရှိကြောင်း ကေအန်ယူက ပြောသည်။ သို့သော် မဲဆောက်အခြေစိုက် STV ရုပ်မြင်သံ ကြားလိုင်းမှ ယမန်နေ့ည ထုတ်ပြန်သည့်သတင်းတွင်မူ ကရင်အမျိုးသားလွတ်မြောက်ရေးတပ်မတော်ဖက်မှ စစ်သည်နှစ်ဦး တိုက်ပွဲတွင် ကျဆုံးသည်ဟု သတင်းထုတ်လွင့်ခဲ့သည်။