နာဂစ်ထက်ဆိုးမည့် ငွေကြေးစီးပွားကပ်မုန်တိုင်းကြီး မြန်မာနိုင်ငံလာနေပြီ

ယနေ့ကမ္ဘာတ၀ှမ်းတွင် ငွေကြေးစီးပွားကပ်ကြီးဆိုက်နေ၏။ အမေရိကန်ဥရောပမှသည် အာရှနိုင်ငံများအဆုံး ထိုစီးပွားကပ်ဒဏ်ခံနိုင်အောင် အမျိုးမျိုးကြိူးစား၏။ အာရှစတော့ဈေးကွက်များ အလူးအလဲခံနေရသော်လည်း အာရှဘဏ်များ စီးပွားကပ်ကြီးဒဏ်ကြောင့် မယိမ်းယိုင်ရအောင် အာရှအစိုးရများ အားထုတ်သည်မှာ အားကျစရာကောင်း၏။

ကမ္ဘာတ၀ှမ်း ကြုံတွေ့နေရသည့် ငွေကြေးစီးပွားကပ်ကြီးကြောင့် လောလောဆယ် ထိုင်းဘဏ်များ ငွေကြေးပြဿနာကြုံတွေ့ရခြင်း မရှိသေးသော်လည်း လာမည့် ၂ နှစ်မှ ၃ နှစ်အတွင်း ထိုင်းဘဏ်များအပေါ် ငွေကြေးစီးပွားကပ်၏ ဂယက်ရိုက်ခတ်မှုများ ရှိလာနိုင်သည်ဟု ထိုင်းအစိုးရက ယူဆ၏။ ထို့ကြောင့် ကမ္ဘာတ၀ှမ်း ကြုံတွေ့နေရသည့် ငွေကြေးစီးပွားကပ်ကြီးကို ကာကွယ်သည့်အနေနှင့် ထိုင်းဘဏ်များမှာထားရှိသည့် စုဆောင်းငွေကို ၂၀၁၁ ခုနှစ်ထိ ရာနှုန်းပြည့် ထိုင်းအစိုးရက အာမခံပေး၏။

သဘောမှာ ငွေကြေးစီးပွားကပ်ကြီးကို စိုးရိမ်ပြီး Bank run ခေါ် ဘဏ်စုဆောင်းငွေတွေ အပြေးအလွှား ပြန်ကုန်ထုတ်မှာ စိုးရိမ်သည့်အတွက် ကမ္ဘာ့အစိုးရအသီးသီးက ဘဏ်စုဆောင်းငွေ အာမခံချက်ကို အမြန်သက်တမ်းတိုးပေးသည့် အဓိပ္ပါယ်ဖြစ်၏။ မြန်မာစစ်အစိုးရမှလွဲ၍ အာရှ အစိုးရအသီးသီးကလည်း ဘဏ်စုဆောင်းငွေ အာမခံချက်ကို အမြန်သက်တမ်းတိုးပေးကြ၏။

မြန်မာနိုင်ငံအခြေအနေမှာမူ တမျိုးဖြစ်၏။

ပုဂ္ဂလိကဘဏ်စနစ်မပေါ်ခင်အထိ အစိုးရဘဏ်တွေမှာ ပြည်သူတွေ စုဆောင်းငွေ ထားလေ့မရှိ။ စစ်အစိုးရကို အယုံအကြည်မရှိသည့် သဘောဖြစ်၏။ တဖန် ပုဂ္ဂလိကဘဏ်စနစ် ခေါင်းထောင်မည်မှ မကြံသေး ၂၀၀၃ ခုနှစ်တွင် အကျိုးဆောင်ကုမ္ပဏီများငွေလ်ိမ်မှုပေါ်ပေါက်၏။ မကြာခင် ပုဂ္ဂလိကဘဏ်မှ အပ်ငွေများကို ပြည်သူတွေ အပြေးအလွှား ပြန်ထုတ်ကုန်၏။ ထိုအချိန်မှစပြီး ပုဂ္ဂလိကဘဏ်စနစ်အပေါ် ပြည်သူတွေ အယုံအကြည်ကင်းမဲ့သွားသည်မှာ ယနေ့တိုင်ဖြစ်၏။ သည်ကြားထဲ အာရှဓနဘဏ် မေဖလားဝါးဘဏ်နှင့် ယူနီဗာဆယ်ဘဏ် ၃ ခုကို ငွေမဲခ၀ါချမှုနှင့်ပတ်သက်သည်ဟု အမေရိကန်ဘဏ္ဍာရေးဝန်ကြီးဌာနမှ နာမည်ပျက်စာရင်းသွင်းပြီးနောက်ပိုင်း အဆိုပါဘဏ်တွေကိုပါ စစ်အစိုးရက ဖျက်သိမ်းရသည့် အဖြစ်ရောက်၏။

ငွေကြေးစီးပွားကပ်ကြီးသည် မြန်မာနိုင်ငံကိုလည်း ချန်ထားလိမ့်မည်မဟုတ်။ ယခုကို မြန်မာနိုင်ငံတွင်း ပြည်တွင်း စီးပွားရေး ကမောက်ကမ ဖြစ်စပြုနေပြီ။ စစ်အစိုးရကလည်း နိုင်ငံတကာမှာ ငွေကြေးစီးပွားကပ်ကြီး မည်သို့ဖြစ်ပျက်နေသည်နှင့်ပတ်သက်ပြီး ပြည်သူကို ပညာပေးရမှန်းမသိ။ ၁၉၉၇ ခုနှစ် အာရှငွေကြေးကပ်ဆိုက်တုံးကလည်း မြန်မာစစ်အစိုးရက မသိကျိုးကျွံ လုပ်ခဲ့၏။ ဧရာဝတီင်္ တတိုင်းလုံး မုန်တိုင်းကြောင့် လူသိန်းနဲ့ချီသေကုန်သည်ကိုပင် မျက်နှာလွဲ ခဲပစ်လုပ်ရက်သည့် စစ်အစိုးရမျိုးအနေနှင့် ကမ္ဘာ့ငွေကြေးစီးပွားကပ်ကြီးကြောင့် မြန်မာပြည်သူတွေ ထပ်ဒုက္ခရောက်လည်း ပူပန်မည့် လက္ခဏာမရှိ။ ယခုလည်း မြန်မာနိုင်ငံ၌ တခြားအာရှအစိုးရများလို ဘဏ်စုဆောင်းငွေအာမခံဥပဒေမျိုးမရှိ။ ထို့ကြောင့် ကမ္ဘာ့ငွေကြေးစီးပွားကပ်ကြီး တလိမ့်လိမ့်တက်လာနေချိန်တွင် မြန်မာနိုင်ငံမှ လက်ကျန်ပုဂ္ဂလိကဘဏ်များကို မည်သို့ကာကွယ်ရမှန်း စစ်အစိုးရမသိဖြစ်နေပုံရ၏။ ပြည်သူတွေ စိုးရိမ်ထိတ်လန့်မှုမဖြစ်အောင် မည်သို့ ကာကွယ်ရမှန်းမသိဖြစ်နေ၏။

ဤတွင် ရွှေဥာဏ်တော်စူးရောက်သည့် စက်မှု(၁) ၀န်ကြီး ဦးအောင်သောင်းက ကမ္ဘာ့ငွေကြေးစီးပွားကပ်ကြီး မြန်မာနိုင်ငံသို့မကူးစက်နိုင်ဆိုပြီး ဗိုလ်ချုပ်မှူးကြီးသန်းရွှေထံ သံတော်ဦးတင်၏။ ထိုအချက်ကို သက်သေပြဖို့အတွက် အသက် ၇၂ နှစ်ရှိပြီဖြစ်သည့် ၀န်ကြီးဦးအောင်သောင်း ခေါင်းဆောင်သည့် နေပြည်တော် ကုန်ဈေးနှုန်းကျဆင်းရေး ကော်မီတီက နေပြည်တော်ဝန်းကျင်ရှိ ဈေး ၃-၄ ခုက နေ့စဉ်ကုန်ဈေးနှုန်း ၁၄ မျိုးကို ကောက်ပြီး ဗိုလ်ချုပ်မှူးကြီးသန်းရွှေထံ ဆက်သ၏။ အလွန်ရှက်ဖို့ကောင်းသည့် လုပ်ရပ်မှန်း ဦးအောင်သောင်း သိပုံမရ။ဗိုလ်ချုပ်မှူးကြီးသန်းရွှေလည်း သိပုံမရ။ ဘုန်းကြီးရူုးနှင့် လှေလူး ကိုက်နေ၏။

နာဂစ်မုန်တိုင်းကြောင့် မြန်မာပြည်သူတွေ သိန်းနဲ့ချီသေခဲ့ရပြီ။ စစ်အစိုးရအပေါ် ပြည်သူတွေ ဒေါသအမျက် ချောင်းချောင်းထွက်ခဲ့ရပြီ။ ယခုလည်း ငွေကြေးနာဂစ်စီးပွားကပ်ကြီးလာနေပြန်ပြီ။ ယခုတကြိမ်ကြုံရမည့် ငွေကြေးနာဂစ်စီးပွားကပ် မုန်တိုင်းကြီးသည် ဧရာဝတီတိုင်းသာမက တပြည်လုံးကို ရက်ရက်စက်စက် တိုက်ခတ်မှာဖြစ်၏။ တပြည်လုံး စီးပွားပျက်လျင် ပြည်သူတရပ်လုံး မည်သူမျှ တရားဟောစရာမလိုဘဲ အုံကြွတော့မည်။