ထိုင်းရွာ မယ်ပလောခီးကို ဒီကေဘီအေ၀င်တိုက်၊ မယ်ပလောခီးသူကြီးအိမ်ကိုလက်နက်ကြီးများဖြင့်ပစ်

တိုးတက်သော ကရင်ဗုဒ္ဓဘာသာ အစည်းအရုံး (ဒီကေဘီအေ) တပ်ရင်း (၉၀၇) နှင့် (၉၀၆) မှ ဗိုလ်ဒီးကီနှင့် ဗိုလ်ဘာလ နာ ဦးဆောင်သည့် တပ်ဖွဲ့ဝင် (၄၀) ခန့်သည် ပြီးခဲ့သည့် သောကြာနေ့ ညနေ (၅) နာရီအချိန်ခန့်က ထိုင်းဘက်ခြမ်းရှိ မယ်ပလောခီးရွာသို့ ၀င်ရောက်ကာ အကြမ်းဖက် လုယက်ပစ်ခတ်မှုများ ပြုလုပ်ခဲ့သဖြင့် မယ်ပလောခီးကျေးရွာအပါအ၀င် နယ်စပ်မျဉ်းတလျှောက်တွင် ဒေသအခြေစိုက် အမှတ် (၄) ဒေသဆိုင်ရာကွပ်ကဲရေးတပ်မှ ထိုင်းလုံခြုံရေးတပ်ဖွဲ့ဝင်များ အင်အားတိုးမြှင့်ချထားလိုက်သည်။
သောကြာနေ့က ဖြစ်ပွားခဲ့သည့် အခြေအနေနှင့် ပတ်သက်၍ ၎င်းဒေသအခြေစိုက် ကရင်အမျိုးသားလွတ်မြောက်ရေး တပ်မတော် တပ်ရင်း (၂၀၁) ၏ ဒု-ရင်းမှူး ဗိုလ်ကြီးဘူးဖောက “အဲ့ဒီနေ့ညနေ (၅) နာရီမှာ ဒီကေဘီအေ တပ်ဖွဲ့တွေ ရွာထဲဝင်လာတယ်။ ရွာသားတဦး ပိုင်တဲ့ကားကိုလာယူပြီး အဲ့ဒီအိမ်မှာတည်းနေတဲ့ ပြောင်းခင်းလုပ်သားတယောက်ကို လည်း ပစ်သတ်သွားတယ်။ ထိုင်းကျေးရွာသူကြီးကို ဖမ်းဖို့လုပ်တော့ သူကြီးက ထွက်ပြေးသွားတယ်။ သူကြီးအိမ်ကို M(79) နဲ့ နှစ်ချက်ပစ်ပြီး ဈေးဆိုင်ဖွင့်ထားတဲ့ သူကြီးအိမ်က ပစ္စည်းတွေကို ယူသွားတယ်” ဟု ခေတ်ပြိုင်သို့ ပြောသည်။

“အဓိကကတော့ ဒီကေဘီအေ နယ်ကလူတွေဟာ သူတို့လက်အောက်မှာ လုပ်ကိုင်စားသောက်ရတာ အခွန်အကောက် များတော့ ထိုင်းဘက်ခြမ်းမှာပဲ လာရောက်ရှာဖွေလုပ်စားကြတယ်။ အဲ့ဒါကို ဒီကေဘီအေက ရွာသားတွေကို ပြန်ခိုင်း တယ်။ သူတို့ဆီမှာ အလုပ် လုပ်မယ့်လူ မရှိဘူး။ ရွာသားတွေ ပြန်လာဖို့အတွက် သူတို့အကြမ်းဖက်တဲ့နည်းကို သုံးပြီး ပြန်ခေါ်တာ ဖြစ်တယ်။ အခုလက်ရှိ အခြေအနေအရ မြန်မာဘက်ခြမ်းမှာ ဒီကေဘီအေ တပ်ရင်း (၉၀၇)၊ (၉၀၆)နဲ့ မြန်မာစစ်တပ် ခမရ (၄၁၀)၊ (၄၀၇) တို့ ဒေသတွင်းရွာတွေဖြစ်တဲ့၊ ဘာလတို၊ ကော်စော့၊ ကလဝေါ်၊ ဘီလားလေ့၊ တာဒိုကီမှာ ပူးတွဲပြီး တပ်စွဲ ထားတယ်။ ဒီကေဘီအေက ဘီလားလေ့ ရွာရဲ့ကျောက်တောင်မှာ စေတီတည်ဖို့ လုပ်နေ ကြတယ်။ ဒီလ တရက်၊ နှစ်ရက်၊ သုံးရက်တွေမှာ သူတို့နဲ့ကျနော်တို့ ကြိုကြား ပစ်ခတ်မှုတွေတော့ရှိတယ်။ တိုက်ပွဲကြီး တွေတော့ တခါမှမဖြစ်သေးဘူး။ ကျတော်တို့ နယ်မြေကို သူတို့က နယ်မြေစိုးမိုးရေးလုပ်ဖို့ ကြိုးစားနေတယ်။ ကျနော် တို့ဒေသမှာ ကာလဝေါ်မိုင်းရှိတယ်။ အဲ့ဒီမိုင်းနဲ့ အခြားလုပ်ငန်းတွေကနေ အခွန်အကောက်တွေ ရဖို့အတွက် သူတို့ ကြိုးစားနေတာ ဖြစ်တယ်” ဟု ပြောသည်။
ခေတ်ပြိုင်က စုံစမ်းချက်အရ ဒီကေဘီအေက အဆိုပါ လမ်းကြောင်းကို အသုံးပြုပြီး ဘန်ကောက်တွင် အလုပ်သွား လုပ်မည့် သူများကို ခိုးပို့ရန် စီစဉ်နေသည်ဟု သိရသည်။ ကေအန်ယူနယ်ကနေ တောလမ်းဖြတ်ပြီး ခြေလျင်သွား မည်ဆိုလျှင် ကန်ဖဲ ခရိုင်ကို နှစ်ရက်ဖြင့် ခရီးပေါက်သည်။ လူမှောင်ခို ပို့သည့်အလုပ်ကို လက်ရှိမှာလည်း အဆိုပါ လမ်းကြောသုံးပြီး ဒီကေဘီ အေက လုပ်ကိုင်နေသည်ဟု ဗိုလ်ကြီးဘူးဖောက ပြောသည်။
၎င်းက “နအဖနဲ့ ဒီကေဘီအေ ပူးပေါင်းပြီး စစ်ဆင်လာရင်တော့ ကျနော်တို့ဘက်က ပြန်ပြီးတော့ ခုခံစစ်ဆင်နွှဲဖို့ အရန် သင့်ပဲ။ အဓိကကတော့ ခံစစ်ရှင် ပြောက်ကျားနည်းနဲ့ တိုက်ထုတ်သွားမှာဖြစ်တယ်” ဟု ပြောသည်။
မယ်ပလောခီးရွာသို့ ဒီကေဘီအေ တပ်ဖွဲ့ ၀င်ရောက်စီးနင်းမှုနှင့် ပတ်သက်၍ အုန်းဖန်နှင့် မဲဆောက် ကားလိုင်းပြေးဆွဲနေ သည့် ယဉ်မောင်းတဦးဖြစ်သူ နိုင်နိယုံးက “ဒီကေဘီအေတွေ ရွာထဲဝင်တဲ့နေ့က ကျနော် အဲ့ဒီရွာအနားက ကားလမ်းဘေး မှာရှိတယ်။ သူကြီးအိမ်ကို လက်နက်ကြီးနဲ့ပစ်ပြီး ပစ္စည်းတွေ ယူသွားတယ်လို့ ပြောတယ်။ ဒီရွာသားတွေက အရင် ကတည်းကနေ ဒီကေဘီအေနဲ့ တွဲပြီး အရောင်းအ၀ယ်တွေ လုပ်နေကြတယ်။ ငွေကြေးအရှုပ်အရှင်းကိစ္စတွေလည်း အများကြီး ရှိတယ်လို့ သိရတယ်။ ဒါကြောင့် ဒီကေဘီအေက အခုလို ပြဿနာလာရှာတာဖြစ်တယ်။ ဒီနေ့တော့ မယ်ပလောခီးရွာမှာ အေးအေးဆေးဆေး ဖြစ်သွားပြီ။ ရွာထဲမှာ ထိုင်းစစ်တပ်တွေလည်း အများကြီးချထားတယ်” ဟု ပြောသည်။
မယ်ပလောခီးရွာသို့ ၀င်ရောက်စီးနင်းသည့် ဖြစ်ရပ်နှင့်ပတ်သက်၍ အခြေအနေအမှန်ကို သိရှိရန် ဒီကေဘီအေ (၉၀၇) မှ ဗိုလ်ဘာလနာကို ဆက်သွယ်မေးမြန်းသော်လည်း ဖုန်းပိတ်ထားသည်။ ဒီကေဘီအေ တပ်ရင်းများ၏ ဗျူဟာမှူးဖြစ်သော ဗိုလ်မှူးကြီး စောလားပွယ်ခေါ် ဗိုလ်နှုတ်ခမ်းမွေး၏ ရုံးသို့ ခေတ်ပြိုင်မှ ဆက်သွယ်မေးမြန်းရာ လူကြီးတယောက်မှ မရှိဘူးဟု ဆိုကာ ဖုန်းချသွားသည်။
အဆိုပါ ဒီကေဘီအေ အဖွဲ့သည် ယခုလ (၁) ရက်နေ့က မြန်မာဘက်ခြမ်းရှိ ဘာလာတိုရွာတွင် အိမ် (၄) လုံးနှင့် ပြောင်းခင်း တဲ (၂) လုံးကို မီးရှို့သွားပြီး၊ (၂) ရက်နေ့ နေ့လယ် (၁) နာရီခန့်တွင်လည်း မြန်မာဘက်ခြမ်းရှိ အိမ် (၄) လုံးနှင့် ပြောင်းခင်း အချို့ကို မီးရှို့ဖျက်ဆီးသွားသည်။
အခင်းဖြစ်ပွားခဲ့သည့် မယ်ပလောခီးရွာသည် မဲဆောက်မြို့မှ ကီလိုမီတာ (၁၄၀) အကွာအဝေးအနီးတွင် တည်ရှိပြီး ရွာ အတွင်းဝင်ရောက်ရန် မဲဆောက်-အုန်းဖန် ကားလမ်းဘေး မှ (၃) ကီလိုအကွာအဝေးသို့ ၀င်ရောက်ရပြီး ထိုင်း-မြန်မာ နယ်စပ်မျဉ်းအနီး တည်ရှိသည့် ရွာဖြစ်သည်။ ထိုင်းဘက်ခြမ်းတွင် တာခ့်ခရိုင် အုန်းဖန်မြို့နယ် တည်ရှိပြီး မြန်မာ ဘက်ခြမ်းတွင် ကရင်ပြည်နယ်၊ ကော့ကရိတ်မြို့နယ်အတွင်း တည်ရှိပြီး ဒီကေဘီအေ တပ်ရင်း (၉၀၁) တပ်ရင်းမှူး စောဘလူး၊ တပ်ရင်း (၉၀၇) တပ်ရင်းမှူး ဗိုလ်ဥာဏ်မင်း၊ တပ်ရင်း (၉၀၆) တပ်ရင်းမှူး ဗိုလ်မောသို တို့၏ တပ်ရင်းများ အခြေစိုက်ပြီး ၎င်းတပ်ရင်း (၃) ရင်းကို (၁) ဗျူဟာဖွဲ့ထားပြီး ဗျူဟာမှူးမှာ ဗိုလ်မှူးကြီးစောလားပွယ်ခေါ် ဗိုလ်နှုတ်ခမ်း မွေးဖြစ်သည်။

ခေတ်ပြိုင်သတင်းဌာနမှကိုးကားတင်ပြထားသည်။